BOBARIO bou di maneho di Ministerio di Asuntonan Gereral di Prome Minister Mike Eman a organisa un tayer piloto entre habitantenan di bario pa illustra e idea con ta e miho manera pa haci uso di e hermentnan cu ta necesario pa maneha cualkier proyecto cu bo por tin, sea na bo cas, o na bo trabou y mas cu claro den bo mesun bario.
Saliendo for di e punto di bista di Prome Minister cu kier mira e convivencia den cada bario den cada hogar. Esaki ta e oportunidad pa stimula proyecto den bo mes un bario, sea como boluntario o esun cu por tuma e initiativa y lidera un proyecto, motiva otro, planea, coordina y evalua.
E grupo piloto di e habitantenan cursistanan a consisti di diversidad grandi di edad y profesion , e.o. di ama di cas, mayor, electricien, bombero, pensionado activo, trahado social, maestra, douanero. Etc.etc.
E intencion ta pa mira e interes den e habitantenan p’asina por sigui cu e programma cu ta na nivel di cada un cu ta desea di participa den nan mesun bario.
Como facilitador docente Randolph Vrolijk a trece hopi puntonan padilanti pa bo sa cu ora di cuminsa un proyecto, bo mester ta mentalmente prepara y motiva pa ta un persona exitoso.Y ta conciente di sa e diferencia entre un meta y un soño cu bo kier haci realidad. Percura pa bo meta(nan)ta bon stipula y p’asina traha bo plan di accion pa bo logranan.

Haciendo uso di e modelonan di S.M.A.R.T pa bo metanan ta realistico y sa di escohe un meta specifico y alcansabel pa bo traha riba dje. Sin lubida pa analisa bo proyecto y balansa entre bo bandanan fuerte y debilnan y hacienda uso di bo talento y habilidadnan via e modelo di S.W.O.T.

Na final e participantenen tabata asina satisfecho di e hermentnan cu nan a haya encuanto un bon manager, y cu sigur lo sa di maneha nan proyecto, sea como mayor den nan propio hogar, o na trabou y tambe den nan bario pa conecta y “unlock” e comunidad.(Netwerk)
Un boluntario a expresa;” e curso a dunami un miho bista pa mi por traha mas organisa y asina mi ta pone mas atencion riba e recurso pa logra mi meta “
Pesey a haci e peticion na BOBARIO pa por duna mas curso y asina a keda palabra cu lo mandanan lista di cursonan cu docente Mr Vrolijk ta duna pa haci nan escohencia.
Mr Vrolijk a duna di conoce cu ta bai tin un programa pa” Mayornan tras di banki”.

Expresionnan haci den e articulo aki no necesariamente ta refleha opinion di ArenaPoliti.co