E fin di siman aki partido MEP ta anfitrion di e conferencia permanente de partidos politicos de america latina y el caribe COPPPAL. Den e cuadro akinan delegadonan di varios pais ta na Aruba caba pa e conferencia.
Diabierna ultimo MEP a ofrese un recepcion di bon bini na e delegadonan. Politiconan di paisnan manera Mexico, El Salvador, Republica Dominicana, Venezuela, Costa Rica hunto cu politiconan di Aruba, Boneiro y Curacao lo delibera riba e tema di imigracion.
Un tema tambe hopi importante ta e status politico di Aruba, Boneiro y Curacao en bista di e autonomia di e paisnan aki cu ta bayendo perdi.
Tin varios tema relaciona cu e posicion di hende muher y un tema cu lider di MEP Evelyn Wever-Croes a pidi pa pone riba agenda ta e trafico di hende muher (vrouwenhandel) pasobra esaki ta un problema hopi serio na Aruba cu ta wordo tolera pa e autoridad na Aruba.
Durante e recepcion di bon bini por a mira tambe caranan conosi, entre otro sr Gustavo Carvajal, presidente di COPPPAL, sr Clark Abraham y se Michael Pieters di conseho insular di Boneiro y sr Gerrit Schotte y sr Giovanni Atalito di Curacao hunto cu politiconan di MEP.

Expresionnan haci den e articulo aki no necesariamente ta refleha opinion di ArenaPoliti.co