Fraccion di MEP a reuni cu AIB riba proyectonan pendiente na Aruba
Oranjestad -- Fraccion di MEP a reuni cu ehecutivonan di Aruba Investment Bank sr Frensel Giel y sra Jasmin Simon, tocante e proyectonan den ehecucion door di FDA y SOGA. Na e reunion tabata presente di parti di MEP, Evelyn Wever-Croes, Xiomara Ruiz-Maduro, Chris Romero, Guillfred Besaril y Gerick Croes. A toca varios tema di proyectonan den ehecucion y proyectonan cu ainda mester wordo otorga prome cu e fondo di FDA stop di existi na 2015. Tambe a toca e rol di AIB of FDA den un posibel 'investment fund'. "Nos tabata tin un bon reunion cu sr. Giel y sra. Simon y nos a haya un bon bista di e inversionnan cu ta wordo hasi di parti di gobierno. Mester constata si cu despues di 5 anja cu Gobierno ta purba 'jump start' nos economia, bo no ta mira e mesun confiansa di parti di sector priva, especialmente den Caya Betico Croes. Sector priva no tin confiansa ainda den e pronosticonan economico di Gabinete Mike Eman", segun Evelyn Wever-Croes.
SCOL HAVO\VWO NA NOORD
Remarcable tabata e informacion cu e scol cu gobierno di MEP a laga prepara pa construi na Noord, ya no ta riba planning mas di FDA. AIB a confirma cu Gobierno di Mike Eman a conbense Gobierno Hulandes pa tur e placa cu tabata reserva pa construccion di e scol, wordo kita for di ensenjansa y wordo hinca den e proyecto di e.o. tram. E condicion cu Gobierno Hulandes a pone ta cu Gabinete Eman mester ehecuta e proyecto di construccion di e scol como un proyecto PPP, y Gabinete MIke Eman a priminti gobierno hulandes cu esaki lo bin bou di SOGA. Sinembargo no tin nada mas cu a wordo hasi pa mas di dos anja caba cu e proyecto aki bou di SOGA. "Nos ta conclui cu esaki no solamente ta otro compromiso cu Gabinete Mike Eman a kibra cu Gobierno Hulandes, y cu por tin su consequencianan ainda, sino tambe un compromiso cu Gabinete Mike Eman a hasi cu pueblo di Aruba, cu no a wordo cumpli. Esunnan cu ta sali perhudica ta nos hobennan, y mi no ta compronde dicon Mike Eman y su gabinete no ta pone prioridad na crea un mihor futuro pa nos hobennan. Definitivamente nos hobennan merece mihor" lider di MEP, Evelyn Wever-Croes a duna di conose.
Remarcable tabata e informacion cu e scol cu gobierno di MEP a laga prepara pa construi na Noord, ya no ta riba planning mas di FDA. AIB a confirma cu Gobierno di Mike Eman a conbense Gobierno Hulandes pa tur e placa cu tabata reserva pa construccion di e scol, wordo kita for di ensenjansa y wordo hinca den e proyecto di e.o. tram. E condicion cu Gobierno Hulandes a pone ta cu Gabinete Eman mester ehecuta e proyecto di construccion di e scol como un proyecto PPP, y Gabinete MIke Eman a priminti gobierno hulandes cu esaki lo bin bou di SOGA. Sinembargo no tin nada mas cu a wordo hasi pa mas di dos anja caba cu e proyecto aki bou di SOGA. "Nos ta conclui cu esaki no solamente ta otro compromiso cu Gabinete Mike Eman a kibra cu Gobierno Hulandes, y cu por tin su consequencianan ainda, sino tambe un compromiso cu Gabinete Mike Eman a hasi cu pueblo di Aruba, cu no a wordo cumpli. Esunnan cu ta sali perhudica ta nos hobennan, y mi no ta compronde dicon Mike Eman y su gabinete no ta pone prioridad na crea un mihor futuro pa nos hobennan. Definitivamente nos hobennan merece mihor" lider di MEP, Evelyn Wever-Croes a duna di conose.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...