Santa Cruz, Tur cuidadano cu ricibi un formulario di inkomstenbelasting ta obliga di cumpli cu ley door di entrega esaki na Departamento di impuesto. Pero tin cierto casonan specifico manera di nos grandinan cu tin un solo entrada cu de facto no ta necesario mas pa yena aangifte.

Un di e motibonan cu e ta innecesario ta pasobra ta trata di un solo entrada cual ta AOV for di SVB. Mayoria di biaha ta trata di un entrada di 13.477 pa anja. E otro motibo ta cu e entrada di pensioen ta cai bou di e grens pa cobra belasting. Ademas mester enfatisa cu riba e entrada aki ya caba SVB a retene e prima corespondiente di AZV. Esaki ta nifica cu tur cos a wordo paga caba!

Ta un lastima cu Gabinete Eman no a hasi su trabou y reorganisa departamento di impuesto manera debe ser. Loke semper nos a recomenda ta pa programa e sistema di tal forma casonan specifico manera ariba menciona lo no mester sosode mas. Nos di MEP a bisa from day one cu mester trata nos pensionadonan cu respet y stop di cobra nan belasting riba pensioen di biehes. Den nos programa di gobernacion nos a compromete nos mes cu esaki door di elimina belasting riba acumulacion di pensioen y libra nos grandinan di molester innecesario di aangifte.

Expresionnan haci den e articulo aki no necesariamente ta refleha opinion di ArenaPoliti.co