E cambionan cu a y ta tumando luga den nos pais, ta den contraste grandi cu e periodo dindeterioro mas grandi den historia di nos pais. E periodo di gobernacion di MEP di 2001 pa 2009. Den e periodo di fin di 2009 te awe, bou condicionnan di ciere di e refineria na Aruba, den e pio crisis economico y financiero di mundo den cien aña, nos pais a bolbe lanta riba pia. Nos economia a wordo stimula cu placa di pueblo y a crece di negativo pa positivo,di -13% pa +3% den apenas 6 aña. Mey mey di e crisis mundial a usa placa di pueblo a drecha scolnan tur rond di nos isla...y ainda falta. Cu placa dinpueblo a inverti den infrastructura y a ehecuta proyectonan cu a discuti pa mas cu 30 aña sin actua. Den e seis añanan cu a pasa, a inverti placa di pueblo den un hospital nobo, den un waf nobo y ta drecha esun di Playa pa crucero. Ta inverti placa di pueblo den haci e caminda di San Nicolas pa Playa uno sigur y cu lo stimula turismo y comercio. Ta sigui percura pa e sector di turismo crece den calidad y den cantidad. A inverti den energia sostenibel pa haci nos pais menos dependiente den futuro di e prijs di petroleo cu ta fluctua. A trece partidonan hunto pa crea e seguro di pensioen pa tur 50 mil trahado den sector priva cu te awor tabata paga pa e pensioen di sector di gobierno, pero nan mes no tabata tin un pensioen di nan mes. Awor si nan tin'e.

DICON
E importancia di e pregunta cu MEP tin cu contesta ta, cu Pueblo mester sa pakico awor economia a drecha? Dicon awor si mas hende a haya trabaou? Dicon e fondonan di pensioen awor si ta yega bek na 100% di solidez y por sigura tur 20 mil pensionado nan pensioen pa futuro? Dicon awor si infrastructura di nos pais ta den pleno renobacion y forsa di compra ta miho cu den e ultimo 14 aña. Asina mes segun nos.....ainda falta! Pero MEP tin cu splica DICON?

Expresionnan haci den e articulo aki no necesariamente ta refleha opinion di ArenaPoliti.co