Aruba tin su autonomia insular desde 15 di December 1954 y nos Status Aparte esta un autonomia mas amplio desde 1 di januari 1986.  Cu otro palabra  15 di December  2015 lo ta 61 anja pasa cu Statuut pa Reino Hulandes a drenta na vigor. Ora cu Statuut pa Reino Hulandes a  drenta na vigor Aruba a hanja un Eilandenregeling cu ‘autonomia insula’r unda NINGUN  instancia  por a hinca su mes dentro di nos funcionamento financiero… E tabata un responsabilidad di Bestuurscollege y Eilandsraad di Aruba !!  Dia 1 di januari 1986 Aruba a logra su Status Aparte …e tempo ey pa Diez anja ..cual Status Aparte a worde expande ‘indefinitivo’  pa Gabinete Oduber  forma pa MEP, PPA y ADN.v E status Aparte desde 1 di januari 1986 tambe tabata un Status aparte unde e autonomia  expande NO tabata permiti otro pais  of instancia den Reino Hulandes pa mishi cu nos autonomia financiero.

Ta e protocolnan  firma pa Prome Ministro Mike Eman (AVP) y e ley (Landsverordening) cu a duna competencianan na gobierno di Reino y aproba pa 13 miembro di AVP den Staten di Aruba , gobierno  di Reino Hulandes a hanja e competencia p.m di C.A.F.T  situa na Corsow pa hinca NO DEDE PERO MAN COMPLETO den maneho di gobierno di Aruba. Cu AVP su gobierno NO por goberna ta un hecho conoci…awor atrobe Aruba a  surpasa su presupuesto 2015 cu 35 million florin!! Y awor atrobe anja ta sera y habri y Aruba NO tin presupuesto 2016 ni entrega corda aproba !!  

INSULTO DI MAS GRANDI !!

Pero e insulto di mas grandi ta keda si cu awe na 2015 un instancia  SITUA NA CORSOW ta viaha pa Aruba pa bisa gobierno di Aruba cu nan lo conseha Gobierno di Reino pa duna gobierno di Aruba   30 dia mas pa aproba su presupuesto . KI VERGUENZA…..KI ATRAPAMENTODI NOS AUTONOMIA DI PAIS ARUBA !! KI INSULTO NA HENTER E PUEBLO DI ARUBA. Esun cu conoce nos historia…esun cu conoce e deseo di nos  pueblo pa ta ‘baas den nos mes cas’ pa goberna su mes lo comprende e mensahe di PPA hopi  cla!!  Otro verguenza cu Aruba mester pasa aden gracias na esnan(AVP)  cu a traiciona e autonomia y status aparte di pais Aruba esta AVP !!  Pero NO ta AVP so ta worde insulta cu esaki NO …henter nos pueblo su dignidad ta worde atrapa !!  Anto ta awor numa e trapamento di autonomia arubano ta inicia awor cu C.A.F.T. for di Corsow por hasi y deshaci cu ‘interesnan arubano’.  PPA  ta sostene bon gobernacion…..good governance….pero PPA NO ta sostene pa ningun instancia di pafor di Aruba bin instrui gobierno di Aruba ta cual caminda mester kana. Aki ta sinta e traicion di e 13 miembro di AVP algun luna atras.  Mester a expande e  competencianan di  Raad van Advies y Algemene Rekenkamer instancianan arubiano cu nan tarea ta regula den nos  staatsregeling. PPA ta pronostica cu lo duel Hulanda cu nan a kana e caminda pa pression gobierno di AVP pa traicion e Status Aparte arubiano…… Y lo jega e dia cu Hulanda mes lo propone pa  e  Status Aparte worde respeta …!!  Mester di …..’good governance’…pero bao responsabilidad  arubiano !!

Aruba, 14 di December 2015                                           Lider Politico di PPA

                                                                                             BENNY NISBET

Expresionnan haci den e articulo aki no necesariamente ta refleha opinion di ArenaPoliti.co