Gabinete ME II: Prome Minister Mike Eman y Lider di Fraccion di D66 Alexander Pechtold a topa otro na Corsou fin di siman
Probechando di su estadia na nos hermana isla Corsow, lider di fraccion di e partido politico Hulandes D66 Alexander Pechtold y Prome Minister Mike Eman a topa otro den un ambiente informal. Meta di e encuentro tabata pa delibera tocante algun di e acontecimentonan cu durante e aña, cu a caba di termina, a pone presion riba e relacionnan entre e paisnan di Reino Hulandes. Tanto Prome Minister Mike Eman y Señor Pechtold a expresa nan deseo pa fiha un rumbo positivo pa futuro di cua e partnernan den Reino por beneficia. A palabra cu lo sigui mantene y te hasta estreha e contacto cu Alexander Pechtold y partido D66 y pa mantene otro debidamente informa.
Por corda ainda cu Señor Pechtold durante añanan 2005-2006 tabata minister na Hulanda encarga cu e cartera di relacionnan di Reino. Durante su carera politico ela demostra semper un interes den e islanan di Caribe Hulandes.
Durante e encuentro na Corsow, Prome Minister Mike Eman tabata acompaña pa Minister di Desaroyo Urbano, Infrastructura y Integracion, Benny Sevinger.
Por corda ainda cu Señor Pechtold durante añanan 2005-2006 tabata minister na Hulanda encarga cu e cartera di relacionnan di Reino. Durante su carera politico ela demostra semper un interes den e islanan di Caribe Hulandes.
Durante e encuentro na Corsow, Prome Minister Mike Eman tabata acompaña pa Minister di Desaroyo Urbano, Infrastructura y Integracion, Benny Sevinger.
Expresionnan haci den e articulo aki no necesariamente ta refleha opinion di ArenaPoliti.co