Un profesional bon conosi den nos comunidad, drs. Charlene Oduber, lo ta e persona di contacto cu e comunidad arubiano na Hulanda pa partido Red Democratico. Na e ultimo reunion di membrecia di ReD a disidi pa introdusi un persona di contacto cu nos arubianonan biba na Hulanda.

Pakiko e cambio aki? Faltando un aña pa eleccion, ReD mester di un profesional pa hiba e mensahe nobo di nos partido, es decir cu ta e votador lo bai disidi pa tur topico den Parlamento via un sistema digital nobo di ReD. Y parti di e cambio aki ta ensera cu arubianonan biba na Hulanda tambe lo por disidi riba e futuro di Aruba. 

Drs. Charlene Oduber, un graduado di Universiteit di Leiden, semper a traha cu pasion y dedicacion riba tereno social y educativo. E tin dos opleiding y un estudio. Sociaal Pedagogisch Werk, Sociaal Pedagogisch Hulpverlener y Opleidingskunde. Charlene Oduber tin dos titulo MSc y ofishi, Sociaal Pedagogisch Hulpverlener y Opleidingskundige.

Na Hulanda e tabata docente pedagogico na un instituto pa MBO, den Randstad Rotterdam cu alumnonan hopi asertivo y multicultural. Tambe diferente biaha e a traha cu hendenan físicamente y/o mentalmente limita. E a scirbi pa corantnan lokaal riba derecho humano. E tabata coordina actividadnan educativo y recreativo pa cinco scol na Hulanda cu ta ofrece programanan despues di scol. Tambe e tabata organisa actividadnan pa barionan en cuadro pa trece coneccion entre barionan. Voluntariamente e ta duna workshop y leziningen pa organisacion y bario na Aruba y na Hulanda. Actualmente e ta pa un tempo na Hulanda y ta boluntario pa sostene un ‘dakloze opvang’ pa yuda Hulandesnan cu un motivo of otro a perde nan cas pa bira mas liher posibel independiente bek.

Directiva di ReD

Expresionnan haci den e articulo aki no necesariamente ta refleha opinion di ArenaPoliti.co