Oranjestad – Desde un principio di negociacionnan di un reapertura di e refineria, Gabinete Mike Eman Gabinete Mike Eman a pone condicionnan fuerte pa refineria di Aruba opera mas limpi posibel. Den e acuerdo entre pais Aruba y CITGO tin decretonan explicito acorda cu mester percura cu operacion di e refineria lo causa lo minimo na daño na medio ambiente. 

E exigencia di un refineria berde pa Gabinete Mike Eman tabata uno ‘non-negotiable’. Cu CITGO a yega na un acuerdo cu e refineria ta bay draai riba gas. Tambe CITGO ta bay contribui cu $ 5 miyon pa un proyecto di cultivo grandi di algen riba tereno di e refineria door di haci uzo di e emision di CO2. Riba dje tambe e refineria mester cumpli cu exigencianan severo pa loke ta medio ambiente. Cu tur esaki ora e refineria na San Nicolas habri aki un par di siman e ta bira un di e mas limpinan den mundo. 

Diaranson ultimo, Gabinete Mike Eman a firma cu funcionarionan di mas halto di Valero Energy Corporation pa traspaso di tur propiedad di e compania pa pais Aruba. Esey kiermen cu Aruba ta doño di e compleho petrolero na San Nicolas y ta lease esaki na e compania operador nobo cu ta CITGO Petroleum Corporation.

Despues cu aproba e diferente acuerdo y leynan necesario, ta premira cu pa cuminsamento di october, CITGO por cuminsa trabounan pa rehabitalisa y despues cuminsa operacion di e refineria.

Expresionnan haci den e articulo aki no necesariamente ta refleha opinion di ArenaPoliti.co