E solo hecho cu 30 anja di nos Status Aparte a pasa y e problematica di Dump na Parkietenbos a bira solamente mas grandi cu mas impacto negativo pa e barionan di Parkietenbos, Cas di Paloma, Simeon Antonio y Buena Vista ta demonstra cu gobernacion di tanto MEP como AVP a faya seriamente relaciona cu e problematica aki. 

Durante di e 30 anja grandemente e problematica di Dump (cu un excepcion) a cai bao di e dos partido grandi aki ! Cu tabatatin esfuerzo pa soluciona e problematica aki PPA lo no nenga pero e problematica aki a sea faya of no tabata suficiente. Banda di e hecho cu cambio di gobernacion a hunga un rol tambe ! Pero e realidad di bida ta cu despues di 30 anja di signatura MEP y AVP….e pueblo di Parkietenbos, Cas di Paloma, Simeon Antonio y Buena Vista ta sufriendo severamente bao di e problematica aki.  

Pa colmo cu crecemento imenso di nos poblacion…..e problematica di Dump a crese ainda mas !! 

Partido MEP ta gaba cu nan a logra paga e candela y nan a purba bin cu un sistema cu lo crea asina jama ‘fluf’ como producto di e sushedad. Na otro banda partido MEP ta bisa cu AVP a trece cambio cual a stroba nan maneho di realmente demonstra su efectividad ?? Ultimo nos ta tende un voz di seno di MEP ta propone pa gerencia di Serlimar busca soluccion en vez cu MEP mes propone un maneho pa trece solucion !

Partido AVP di su banda a pone un paro na maneho di MEP pero no a logra duna un contesta positivo pa solucciona e sufrimento di e barionan menciona. Ocho anja di gab. Mike Eman ta den pasa y e unico resultado ta cu e Dump na Parkietenbos a crece substancialmente !! Pueblo di e barionan menciona ta sufri a consecuencia di e ‘Dump’ e insectonan cu esaki ta crea, e holor desagradable y e huma cu e candela ta causa y specialmente ora e biento bira.

Un punto masha chikito ta …..e esfuerzo pa no tin candela !! E pregunta di pueblo di e vecindario aki ta con ta evita pa e ‘Dump’ continua aki ? Y naturalmente e pueblo e ora ey ta puntra ….cua sitio alternativa lo por tin ?

PPA ta reconoce cierto esfuerzo hasi den pasado pero na mes momento ta evidente …Si awe Aruba ta confronta e problematica serio aki despues di 30 anja di nos Status Aparte …esaki ta nifica cu gobernacion di AVP y MEP a faya riba e problematica aki !! PPA ta ripiti…..si despues di 30 anja un problematica tey…..esey kiermen esnan cu a carga e responsabilidad aki a faya….cu esfuerzo positivo si of no….resultado final y positivo no tabatatin !! E dump a crece bira un ‘monster’ cu ta kima regularmente !! Y ta sigui perjudica e barionan menciona !

Periodo di Gobernacion ?

Actualmente mundo henter por sigui e preparacion pa cambio na Merca !! E preparacion pa cambio di maneho..n’import cu e maneho por tabata esun correcto of no….bo ta worde elehi pa un periodo …si bo kier logra cambio bo mester logrele den e periodo ey !! Na Aruba tambe !! Mescos cu na Merca e periodo di gobernacion ta cuatro (4) anja y si worde re-elehi (4) anja mas. Despues di e periodo aki su final ta derecho di e proximo gobernacion pa trece cambio den e maneho. Naturalmente tur hende ta spera cu e cambio aki lo bin cu solucion …pero no por sconde tras di e hecho cu bo maneho no a logra of bo maneho tabata laat y consecuentemente un otro gobierno lo mester trece cambio !! No shon bo tabata laat …bo no a logra e cambio dentro di ocho (8 anja) cu bo tabata tey ! Esey ta e realidad amargo …pabo y pa pueblo ! Esaki ta conta pa tanto AVP como MEP y ambos tabata den gobierno…….. MEP cu a goberna pa 13 y mei anja como AVP cu a goberna pa 17/18 anja !!

Awor PPA tin un pregunta basa riba e sigiente informacion:

Tin un Rapport di e tempo ey Directie VROM !!! E titulo ‘Locatie onderzoek Alternatieve Stortplaats voor Parkietenbos. Hfdstuk 4 Afweging en keuze/Advies.



E rapport aki di anja 1998 VROM a propone gobierno pa e proximo dump lo ta na Barcadera….pero tan leeuw cu nos ta na altura di djele…nunca ningun ministro encarga cu esaki no a tuma e decision pa pone un stop na e dump na Parkietenbos y inicia cu e dump nobo na Barcadera ? Pakiko ? Nos no ta consciente di esaki ? PPA ta ripiti …a base di e conseho aki cualkier gobierno tanto di AVP como di MEP por a pone un paro na e presencia di e dump den Parkietenbos….pero ningun NI MEP NI AVP no a scoge pa e paro aki ! Al contrario MEP a scoge pa e ‘dump’ keda na e sitio aki !! MEP a bin cu e WastAway project ..cu a worde para pa gobierno di AVP. Mientras cu AVP a hasi intento pa move e dump pa Palo Marga/San Nicolas y Sabanilla Abao/Sta Cruz cual a worde rechasa pa pueblo y e diferente grupo. Pero no tin ningun indicacion cu NI AVP NI MEP no a tuma decision conforme e conseho pa muda e ‘dump’ pa Barcadera conforme conseho ?

No kabe duda cu kada ministro responsabel of partido politico na mando bao di cual ‘dump’ y Serlimar a cai lo mester tin nan motibo ….pa cual nan NO a scoge pa muda pero a scoge pa mantene e dump na e sitio aki mientras e rapport aki for di tempo di Directie Vrom tabata indica cu e dump di Parkietenbos NO tabatatin espacio mas !! Esta un maximum di un 20 anja anto basa riba e situacion di e tempo ey esta 1998. Pakiko MEP y AVP a mantene e dump eynan tog ???

E contesta aki pa e pueblo di Parkietenbos, Simeon Antonio, Cas di Paloma y Buena Vista tin derecho riba djele….y PPA ta hasi e pregunta aki publicamente….pa asina e pueblo aki ricibi un contesta debido riba dje ….??

PPA ta di opinion cu Aruba nunca tabatatin un maneho di medio ambiente debido y consecuentemente e actual gobierno no tin un contesta riba e problematica di ‘dump’ den nos comunidad !!

Prome cu worde bisa cu PPA kier usa un consejo di un 18 anja pasa……PPA kier ta masha cla mes….nos ta referi na contenido di un rapport cu tabata ensera un conseho……di e tempo ey !! Un conseho basa riba e cantidad di hende cu tabata biba na Aruba na anja 1998 e grandura di nos comercio etc….sinembargo den e 18 anja cu a pasa tanto nos poblacion como nos comercio a crece substancialmente. Realidad ta cu tempo a pasa y kizas varios di e sitio aki no ta disponibel mas …pero ta interesante pa pueblo sa cu contesta riba e problematica aki tabata tey…simpelmente un maneho consistiendo di decionan al respecto y completo no a worde tuma pa ni MEP ni AVP corda un maneho al respecto !!

Aruba, 15 di januari 2017
Miembro di directiva di PPA
Ing. John Peterson

Expresionnan haci den e articulo aki no necesariamente ta refleha opinion di ArenaPoliti.co