Lider di MEP Evelyn Wever-Croes hunto cu Parlamentarionan Ady Thijsen, Dangui Oduber y Guillfred Besaril a reuni cu sres. Henriquez y Reyes di ATIA tocante ultimo desaroyonan riba tereno financiero.
Tambe a scucha e preocupacionnan di ATIA riba diferente tereno.
Pa MEP ta obvio cu Aruba ta na un crusada crucial pa futuro di nos pais, y cu nos no ta bayendo dilanti den ningun direccion. Esaki a bira obvio despues di e reunion cu minister Bermudez den Parlamento, cu a mustra cu gabinete Mike Eman ta determina pa sigi papia bunita, pero no ta tuma accion real. Pa e motibo ey parlamentarionan di MEP a reuni cu e gremio cu ta representa donjonan di trabou pa delibera riba e diferente temanan. ATIA di su banda a comparti algun preocupacion cu ta wordo sinti den comunidad.
"Mi ta gradisi sr. Henriquez y sr. Reyes pa nan tempo y disponibilidad. Semper cu nos a solicita un cita cu ATIA nos a hay'e, y e ta yuda nos tambe pa wordo mihor informa pa asina por fiha nos posicion", lider di MEP Evelyn Wever-Croes a duna di conose.

Expresionnan haci den e articulo aki no necesariamente ta refleha opinion di ArenaPoliti.co