E oficina a surpasa su expectativanan
Embahadornan cu ta representa Reino di Hulanda den e hemisferio occidental a intercambia recientemente di pensamento pa loke ta trata e funcion como hub cu Aruba y Corsou por ehecuta na fabor di e comercio Hulandes cu tin bista riba e mercadonan emergente di Latinoamerica. Un ehempel interesante di e concepto gateway aki ta e filiaal di e instituto tecnologico mas grandi di Hulanda TNO, ubica na Oranjestad. El a wordo inaugura na 2011 pa asisti Gabinete Mike Eman den e su mision pa sostenibilidad total, pero tambe pa recluta clientenan nobo den e region. Riba ambos tereno a registra exito.

“Nos ta tres aña mas leu y e oficina a desaroya su mes bon. E ekipo ta consisti awor di 10 hende en total di cual shete ta permanente na Aruba y tres na otro localidadnan. El a bay basta lihe. Mi mes tin casi dos aña ta traha na e Caribbean Branch Office TNO pasobra esey ta e nomber oficial di e instituto. Banda di esey pa tur hende ta bon conoci cu no ta presente den henter e region Caribense y paisnan alrededor,” asina  gerente di programa Robert Jan Moons a splica. Su mes ta un yiu di tera cu a gradua na 1995 na TU Delft como Ingeniero Electrotecnico y awo tin oportunidad di traha na y pa Aruba.

Ya caba e oficina su crecemento a surpasa e expectativanan, si ta compara cu e 3.800 trahado cu e organisacion tin na Hulanda. “Nos ta e representante di TNO den Caribe: Un front office chikito cu un back office masha grandi. Nos ta e brug entre e organisacion cu tur su expertonan na Hulanda y clientenan den e region aki. E ta, y asina e practica ta demostra, un bentaha pasobra di e manera aki tin e cliente cerca; sea ta Gobiernonan, pero tambe companianan particular. Y riba tur tereno pasobra TNO ta hopi amplio. Na Aruba no ta enfoca nos specificamente riba energia, pero nos por duna mes bon conseho riba cuido medico, ICT of mobilidad. Den henter Latianoamerica e desaroyonan ta canando sumamente lihe. Dor di esey tin hopi demanda pa conocemento cu TNO tin na cas. Pa nos e peticion di e cliente y su factornan ambiental  semper ta e punto di salida. E leuk ta cu nos ta desaroya conceptonan personalisa hunto cu e unidad na Hulanda cu solamente ta aplicabel den e region aki.”

TNO a scoge for di e tempo ey Aruba como base pa diferente motibo. “E isla tin un bon clima pa establece. Bo tin e siguridad di Reino, suficiente oferta di personal cu estudio halto cu hopi biaha ta papia cuater idioma y ta conoce e cultura di tanto e comercio occidental, como esun Latinoamericano. E ta hopi efectivo pa traha for di un base caminda bo por ta conecta facilmente cu hopi pais na luga di tin oficinanan na diferente pais.”

Esaki ta hustamente algun di e argumentonan cu e Embahadornan a presenta durante nan encuentro cu miembronan di Eerste y Teede Kamer. Pa medio di TNO, por duna duna publicidad na funcionarionan cu por ta util den e conexion entre Europa y Latinomerica y vice versa via Aruba y Corsou.

Expresionnan haci den e articulo aki no necesariamente ta refleha opinion di ArenaPoliti.co