Gabinete ME II: Cuenta Anual 2014 a keda entrega na Parlamento
ORANJESTAD - Un cuenta anual ta e documento cu ta conclui e trayecto di presupuesto di un Pais y diahuebs ultimo Minister Bermudez a haci entrega oficial di e cuenta anual di Pais Aruba pa aña 2014. Conhunto a entrega tambe un rapport cu comentarionan di Contraloria General. E entrega di e documentonan importante aki a tuma luga diahuebs durante un reunion entre Minister Bermudez y Presidente di Parlamento, drs. Marisol Lopez Tromp.
Manera e mandatario di finanzas ta conta, aña 2014, tabata uno cu hopi cambio presupuestal unda cu Gobierno mester a haci un presupuesto supletorio despues un desacuerdo riba e pesupuesto original.
Minister Bermudez a splica cu e cuenta anual 2014 ta contene entre otro, cifranan di e reforma cu a tuma luga riba tereno di pensioen, unda cu a yega na un areglo cu APFA pa loke ta trata e plan di pensioen y asina garantisa sostenibilidad pa añanan venidero.
Ademas e cuenta anual ta contene detayenan di demas sugerencianan cu a inclui den e presupuesto 2014 como tambe specificacion riba con e presupuesto 2014 a wordo ehecuta den su totalidad .
Mientras tanto Minister Bermudez ta keda pendiente pa preguntanan di diferente miembro di Parlamento relaciona cu e documento aki como tambe e fecha pa tratamento publico di cuenta anual 2014.
Expresionnan haci den e articulo aki no necesariamente ta refleha opinion di ArenaPoliti.co