Den Haag – Famia di Mitch Henriquez a organisa awe diasabra 4 di juli un marcha silencioso na Den Haag. Alredor di 300 persona a asisti na e marcha. Entre nan Minister Plenipotenciario di St. Maarten Josianne Fleming-Artsen, Minister Plenipotenciario di Curaçao Marvelyne Wiels, Minister Plenipotenciario di Aruba Alfonso Boekhoudt y directora di Gabinete di Aruba Shandra John.

E marcha a sali for di station di trein Moerwijk y a termina na Zuiderpark, na e sitio cu Mitch a keda aresta diasabra siman pasa. Na e sitio aki hopi persona a pone flor.

Minister Plenipotenciario Alfonso Boekhoudt a hiba palabra unda ela pidi sosten y consuelo pa e famia den e temporada dificil aki. Sr. Boekhoudt a bisa cu Mitch semper lo keda den nos curazon.

Prensa Hulandes tabata den gran cantidad presente pa haci cobertura di e marcha aki cu a bai den un manera hopi calmo y sereno.

Expresionnan haci den e articulo aki no necesariamente ta refleha opinion di ArenaPoliti.co