Evelyn Wever-Croes (MEP): MEP a duna homenage na candidatos ex candidato y candidatos
Den cuadro di celebracion di 45 anja di MEP henter e anja aki nos a organisa actividadnan pa henter nos pueblo na nos Cede, cuminsando cu e Expo y Homenage dia 18 maart, despues na april y na oktober tambe. Tur a wordo hopi bon bishita. Ayera a toca turno na nos ex candidatonan y candidatonan cu a figura riba lista di MEP den un actividad sensiyo pero hopi bunita na Fort Zoutman. Un total di 60 persona a wordo homenagea y presenta cu un bunita revista cu e historia di 45 anja MEP.
Esnan cu a hiba palabra tabata dr Gerrit Croes presidente di partido MEP, sr Chenco Yarzagaray, sr Nel Oduber y lider di MEP Evelyn Wever-Croes. Historia presente y futuro di partido a wordo presenta.
A presenta un video HISTORIA DI MEP TA HISTORIA DI ARUBA, cu a causa un impacto grandi riba tur esnan presente.
Tabata tin un alegria grandi y un Orguyo di e historia di partido. Por a sinti e Union y solidarismo entre e candidatos, ex candidatos y nan famianan, pa enfrenta e futuro.
Un danki ta bai na tur cu a hasi nos celebracion di 45 anja MEP un exito y keda pendiente pa ciere di e anja di celebracion na december. MEP ta un partido firme y solido, y preparando pa campanja 2017.
E Plan di campanja ta cla. E Programa di campanja ta cla. Materialnan di campanja ta na caminda. Nos solucionnan, nos
Politiconan experiencia combina cu e cambionan necesario riba e lista di candidatos, lo ta e formula exitoso cu lo demostra cu MEP lo ta e UNICO alternativa den e sigiente eleccion.
Expresionnan haci den e articulo aki no necesariamente ta refleha opinion di ArenaPoliti.co