E por worde usa pa varios otro alternativa !! 

Gab. Mike Eman den nan ultimo lunanan di gobernacion a anuncia cu nan lo basha Bushiri Beach Hotel abou  dentro di poco.  Masha poco ta esnan den nos sociedad cu a larga tende un voz di protesta. 

PPA ta un di esnan cu a expresa cu nos ta totalmente contra di esaki.  Esaki ta tipicamente locual ta worde jama ‘kapitaalvernietiging/destruccion di capital. Edificio di Bushiri ta di ‘beton’ cu atro palabra ‘basha’ y locual ta para eynan ta representa  un capital di algun miljon florin cu ta propiedad di pueblo. No tin mester di bashele abao pero mester determina pa kiko exactamente e  edificio aki por worde usa. 

PPA ta di opinion cu e edificio aki ta suficiente grandi pa ‘splite’ den  mas  meta: 

1. Un centro di vacacion pa nos grandinan !!   Nos grandinan cu ta permanece den casnan di anciano pero tambe esnan cu ta biba na nan cas por hanja anualmente  e oportunidad pa pasa ‘dos siman’ (of mas) na e sitio aki…….nan tambe merece un vacacion debido !!
   
   
2. Un citio dedica na un projecto di ‘Health & Wellness’ !! For di 2005 PPA ta boga pa Aruba diversifica nos producto turistico na  ‘Health & Wellness’ …pa anjas ni MEP ni AVP no tabata kere den e vision aki di PPA…poco poco mas hende ta mira si cu PPA ta bolbe hanja razon …Health & Wellness ta un alternativa serio cu lo mester worde bon prepara pa realmente duna Aruba un otro valor ora turista scoge nos destinacion pa paga vacacion.
   
   
3. Parti kizas por ta un ‘boutique hotel !!

Mientras cu e beach net pabou di dje por keda como ‘beach publico’ locual e ta kaba pero por worde desaroya cu poco mas fascilidad pa publico,

Tur e alternativanan aki  ta demonstra cu  e  fascilidad di Bushiri Beach Hotel  tin un valor enorme y por worde usa pa otro alternativa serio pa nos comunidad. Pa tal motibo PPA ta protesta seriamente contra e intencion di gabinete Mike Eman pa basha e hotel aki abou…stop di abusa di inteligencia di nos pueblo !!

PPA ta hasi un apelacion riba otro gremio y organisacion den nos comunidad pa tambe larga nan voz resona… protesta contra e acto di destruccion di kapital aki !!

Aruba, 15 di mei 2017
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co