Desde un tempo atras, nos di PDR ta observa di hopi serca desempleo na Aruba. E mama y e tatanan desemplea tin cu pasa door di caminda di calvario pa haya un trabou pa asina sostene nan famia. Awor cu costo di bida, dia pa dia ta na su top, e ta trece problema social den cada cas. Cu e mayornan aki sin trabou, tin hopi caso di muchanan cu ta bay scol sin pida pan y ladronicia na gran escala pa motibo di scarcedad na cas, y cu ta conduci na uzo di droga pasobra nan no sa con pa anda cu e situacion. Esaki ta poco di e problemanan cu desempleo ta trece cu ne. Dimes tin otro cos cu ta hunga un rol pa e actonan aki, pero esaki ta un di e tanto problemanan.

Mayoria hende a yega di traha den sector Horeca y ta busca trabou den e sector aki.

1) Durante aña pasa (2014),gobierno a priminti cu Hotel Bushiri lo wordo cumpra door di e cadenanan mundialmente conoci y haciendo esey, lo crea cuponan di trabou. Pero a informa y confirma pueblo despues cu e hotel lo no wordo estableci mas na Aruba. Den e caso aki, gobierno ta perde oportunidad pa pone mas o menos 200 pa 300 trahado na pia di trabou.

2) Proyecto pa construi hotel nobo ainda no a cuminsa y aki tambe por mira cu e situacion di cupo pa trabou tambe ta limita.

3) Valero a sera y hopi hende cu no ta den “posicion top”, mester a biaha pa exterior pa asina por tin trabou pa mantene nan famia. Si mester a keda Aruba, lo no tin trabou pa nan. Sinembargo cu esnan cu e posicionnan halto si por a logra haya un trabou di biaha.

Aki nos por mira cu realmente poco a wordo haci den creamento di trabou y nos di PDR siguramente ta basta precupa cu e situacion di desempleo.

Otro problema cu Aruba ta confrontando ta permiso pa dienstvrouw y huisknecht y tin asina hopi persona ta cana rond, cu no por haya cas di famia pa haci limpi. E personanan aki ta bin pa bishita nan famia y pa un of otro motibo ta keda aki pa forma un bida. Cu tur respet, e personanan aki ta pasa door di hopi dificultad pa haya algun tipo di trabou pa haci. Nan pensamento ta pa traha duro y tambe haci nan esfuerzo pa forma parti di nos sociedad.

Si no tin trabou pa ofrece, mas y mas persona cu ta haya permiso pa traha como dienstvrouw y huisknecht of pa traha den cualkier otro ramo, lo crea problema hopi grandi pa gobierno. Gobierno mester cuminsa structura su plan di empleo prome cu por otorga cualkier tipo di permiso.

Expresionnan haci den e articulo aki no necesariamente ta refleha opinion di ArenaPoliti.co