Baba Herde ta sigur un di esnan culpable pa e situacion cu nos pais ta aden awor aki. Un pais cu un debe di mas cu 4 biyon florin, un pais yena cu medida y un pais mas insigur cu nunca. Baba Herde ta e unico miembro di fraccion di AVP cu kier insisti den doctrina pueblo cu e situacion ta bon. Nos por compronde Baba su ansha mirando cu su so a costa nos pueblo 2 miyon florin e ultimo 7 anjanan aki. Pa ora eleccion 2017 yega Baba Herde lo a cobra su so 2.3 miyon florin di e pueblo aki. Ta husto pa un hende abusa di fondona publico asina. Laga nos ripiti cuanto salario Baba Herde ta cobra pa tur hende puntre dikon ainda e no a baha cu pensioen. Mester puntre dikon otro hende den AVP no ta haya un oportunidad. Pakiko un hende mester tin 3 salario. Baba Herde ta cobra salario di parlamentario, pensioen di APFA y pensioen di AOV. Awor aki casi 70% di nos pueblo ta gana sueldo minimo ant obo ta haya un Baba Herde cu kier insulta inteligencia di un pueblo bisando cu na Aruba no tin problema. Baba ta biba den un mundo fantastico pasobra ora bo ta cobra asina hopi placa bo ta perde nocion di realidad. Baba mes a perde nocion di kiko e e mes y su partido ta para pe. Baba y AVP a hiba un campanja di venena pueblo y instiga contra BBO. Nan a bisa BBO ta e problema di mas grandi di nos pais. Awe na anja 2016 e mesun BBO acumulativo cu tanto Baba y AVP a critica ta 3.5%. Baba y AVP a bisa cu nan no lo tuma ningun medida y mehora poder di compra. Awe den gobierno di cada futuro pensioendo nan a ranca y kita mas cu 120.000 florin for di nan. Sin conta cu nan a aumenta e prima di AOV, aumenta e prima di AZV, cobra pa recohe sushi, cobra pa parkeer y aumenta grondbelasting. Como lider di fraccion di AVP na varios occasion a bisa cu mester desmantela e refineria. Nan a bisa cu e refineria a bira obsuleto y no tin ningun compania cu a mustra interes y mester desmatela esaki. awor dirpiente nan a bira socio cu president Nicolas Maduro, dirpiente ta AVP a percura pa reapertura. Sctruturalmente kier obliga pueblo pa sigui kere den nan mentiranan. E pueblo aki ta un pueblo inteligente. Nan por lesa, nan mes por lesa e programma di AVP y wak awe con nan a wordo enganja. Baba su dianan cimo parlamentario ta conta pasobra e pueblo aki a fada di tanto comedia, fada di tanto enganjo, fada di tanto doctrina. E realidad awe ta un pais yena cu debe, yena cu pobreza, yena cu problemanan social, yena cu criminalidad y un partido den kiebro caminda tin 2 lider.

Expresionnan haci den e articulo aki no necesariamente ta refleha opinion di ArenaPoliti.co