• OTMAR AUTOKLEM 
  MESCOS CU PONTIUS PILATUS A HACI, ASINA TAMBE OTMAR TA LABA SU MANNAN DEN INOCENCIA.
• MAS HIPOCRECIA AINDA DEN REINO.
• E-MANCITO Y O-MANCITO TA PLEITA PA MOTIBO DI CAYA BETICO CROES: 

8. PONTIUS PILATUS
   Ex- minister O. O. Otmar Oduber, e O-Man, tambe yamá e O-mancito Y Otmar Klem di Auto, den corantnan local di dia 4 di mei ultimo ta culpa Arthur Dowers pa e abominabel klemnan di auto, y manera un berdadero Pontius Pilatus ta laba su mannan den inocencia. No ta SU culpa toch? Ta culpa di Arthur Dowers!
   “Na tur momento mi a BRINGA DI BERDAD pa elimina e fenomeno di e autoklemnan”, e ta bisa, y e ta sigui: “Pero Arthur Dowers NO tabata kier a permitimi re-emplaza e klem pa multa, cu lo a ser partí door di mi “parkeerwachternan” na lugar di a klem e autonan”.
   Wel, esakinan si ta un banda y gang completo.
   E O-mancito ta masha preocupá mes pa e consecuencianan di SU “autoklem”, preocupá pa su partido POR den e eleccionnan di dia 22 di september proximo, y yen di astucia e ta schuif e culpa den stoma di Arthur Dowers.
   Mi no por imagina mi mes cu tin un solo persona cu lo por kere algo di esey.
   Pober Dowers, até atrobe ta carga tur e culpa!

9. CAYA  BETICO  CROES  COMO  UN  CENTRO  DI  ENTRETENIMENTO  Y  RECREACION.
   Ta pone hende kere cu mi mes no a scirbi nada tocante di esaki pa hopi aña largo; ta pone hende kere tambe cu e comerciantenan y e doñonan di pacus no a indica pa hopi aña largo caba kiko mester ser hací pa trece bida back den Caya Betico Croes, y ata, awor diripiente e O-mancito ta bini cu e idea completamente “nobo” pa duna Caya Betico Croes su café-nan, su bistro-nan, su apartamentonan, un ambiente agradabel y entretenimento. “MUNDO  TA  CAMBIA  Y  MESTER  SA  DI  DESAROYA” ,  e  O-mancito ta añadi den Solo di Pueblo di dia 4 di mei ultimo. 
   
   ATA,  DIRIPIENTE  E  O-MANCITO TA  BIN  BISANOS  KIKO  MESTER  SER HACĺ  DEN  CAYA  BETICO  CROES,  MIENTRAS  E  MES  DURANTE  8  AÑA  LARGO TABATIN  E  OPORTUNIDAD  PA  ESEY;  Y  TA  NET  E,  EX-MINISTER O.O.,  A  CABA  CU  CAYA  BETICO  CROES  CU  SU  “PARKEERMETER”NAN  Y  SU  KLEMNAN  PA  AUTO  (AUTOKLEMMEN)!!! 

10. E  MANEHO  BERDE  DURADERO  DI  E  E-MANNAN  Y  E  O-MANNAN  ta bira remarcabel tambe for di “Amigoe” di dia 5 di mei ultimo, cu e storia tristo di e famia Jaap y Joyce de Vries, kendenan ta biba na Lago Heights, y a hayanan forzá pa acudi cerca “Gemeenschappelijk Hof van Justitie” pa obliga gobierno y Ministerio Publico pa investiga e dump ilegal di asbest riba e tereno di CITGO, unda desperdicio peligroso y un menaza di morto ta wordo depositá.
    
    E hendenan ey ta core peliger di haya malesanan peligroso, pero nos E-mancito ta keda insisti y persisti cu Aruba ta un isla 100% duradero y sostenibel.
    Mientras tanto e bisiñanan den e bario por djis sigui fayece numa.
    Esta sushi, no!!

11. Minister Plasterk ta sumamente contento cu Gerrit Schotte a ser eliminá na Corsow.
    Pero minister Plasterk no sa anto cu locual e E-mannan ta haciendo na Aruba, ta 100mil bez mas grave y serio cu locual Schotte posibelmente a haci malo?
    Finanzas na Corsow por lo menos ta na ordu, y casi no tin deficitnan riba presupuesto, ni tampoco debenan den exterior!
    Ta kiko toch lo por tin entre Rutte y Plasterk di un banda, y di otro banda e E-mancitonan…y nan enamoramento? E cos aki ta – por lo menos – hopi sospechoso!

12. Mike E-mancito na e momentonan aki tin 3 instancia cu ta dedica nan mes na, y ta traha riba B.S. duradero, sostenibilidad, inovacion y conocimento:

1. E “Bureau Innovatie”, of mihor bisá e “Bureau Onzinnovatie di Bianca Peters,
2. E oficina cientifico di AVP di Luciano Milliard,
3. TNO den e “Edward Cheung Center for Innovation”, cu tambe mester percura pa inovacion berde.

Pa abo tambe ta keda asina scur y sin splicacion, kende ta haci kiko, y kiko e hendenan di TNO mester ta pensa – of no – di e disparatenan (“lariekoek”) di un tal Bianca Peters?
E hendenan di TNO no ta sinti nan mes ofendí y ultrahá  pa motibo di e nonsensenan grandi di Bianca y di e Mikemancito?
Mi ta loco pa tende esey!


Jan de Ruijter – This email address is being protected from spambots. You need JavaScript enabled to view it.
Presentá na Papiamento pa Remigio A. R. Wever, 42.10.01.44

Expresionnan haci den e articulo aki no necesariamente ta refleha opinion di ArenaPoliti.co