Rene Herdé (AVP): Corda unda nos a cuminsa! Wak unda Aruba tabata na 2009......y unda nos ta awe, riba e caminda pa bienestar pa tur!
UNDA NOS TABATA NA 2009
Den forma cu no ta laga espacio pa duda IMF ta bisa cu Aruba a sali for di un "dobbel crisis" financiero y economico. Pero cu asina mes economia a crece te 4.5% na 2013 y lo crece cu 2.75% na 2015. IMF den palabranan masha cla ta mustra tambe con a logra sali for di e abismo economico cu nos tabata aden y corectamente ta bisa 'ainda falta'. Laga nos corda nos mes y tur hende, unda nos tabata, pa compronde e caminda cu nos a cana y kico falta pa cana.
CRECEMENTO ECONOMICO
![desempleonaaruba2000 2014](/images/imagen/desempleonaaruba2000-2014.jpg)
CAIDA DI ENTRADA DI GOBIERNO
Un di e consecuencianan directo di e caida economico di 2009-2012 tabata e caida grandi den entrada di gobierno. Directamente y indirectamente gobierno a perde di haya mas cu 250 miyon florin pa aña! E. Grafico #2 di Banco Central ta confirma esaki! Cu menos entrada, mas hende sin trabou y entrada, fondonan di pensioen na caminda pa bancarota y nos pais den decadencia(=verloedering), gobierno di AVP mester a traha. Wak unda nos ta awe!
![governmentfinancialbalanceaspercentageofgdp](/images/imagen/governmentfinancialbalanceaspercentageofgdp.jpg)
DESEMPLEO
Desempleo, e factor mas importante di economia a subi na 2009 te 11%. Mas cu un den cada dies cas di famia no tabata tin entrada. Mas cu 6000 trahado tabata sin trabou. Awe desempleo a baha te 6.8%. Y ainda falta. Pasobra pa nos e ta mucho halto ainda. Conclusion: MEP a bay laga nos pais den un abismo economico, desempleo halto, hopi menos entrada pa gobierno y un pais den deterioro. Wak unda nos ta awe.....y ainda falta!
Expresionnan haci den e articulo aki no necesariamente ta refleha opinion di ArenaPoliti.co