Aunke minister di turismo ta keda bisa cu turismo ta bayendo bon e realidad ta completamente diferente. Anja 2015 a sera cu un crecemento den cantidad di bishtante pero esaki ta danki na e Mercado di Venezuela. Pa nos por haya un idea ki impacto e Mercado aki tin den e cifranan ta bon pa haci un comparacion cu anja 2013.  Na anja 2013 Aruba a ricibi: 188,020 turista Venezolano
Na anja 2014 nos a ricibi: 249,593 turista Venezolano 
Na anja 2015 te cu fin di luna di November: 350,918 turista Venezolano

Si compara anja 2015 cu anja 2013 pa loke ta trata turistanan Venezolano nos ta wak un aumento explosivo di: 162,898 cual ta un aumento di 86%! E crecemento aki NO por wordo considera un crecemento real y tampoco duradero. Despues di basta luna cu Otmar Oduber tawata in denial, e porfin a bin realiza y admiti cu gran parti di e turistanan Venezolano aki ta bin Aruba oa raspa carchi y cumpra productonan no turistico. E crecmento aki ta uno ficticio y banda di e Mercado Venezolano e Mercado Europeo no a mira un crecemento. Ora bo analiza unda e ''turistanan'' aki ta keda bo ta wak cu nan NO ta keda na hotel ya ta kedanando na casnan priva. Na anja 2010, 25,601 turista Venezolano tawata hospeda na other accomodations (appartamentonan, casnan priva).

Na anja 2015 esaki a bira 276,892 "turista" Venzolano a hospeda na other accomodations.Cantidad di Venezolano cu ta hospeda na hotelnan a cai entre 50% pa 70%.

Na anja 2010 13% di turistanan cu ta bishita nos pais tawata keda na other accomodations. Na anja 2015 esaki a bira 33.4%! Esaki ta duna un indicacion cla cu 1/3 parti di turistanan cu ta bin Aruba no ta kedando mas na hotel. E indicador aki ta bisa nos e ora cu turistanan cu ta biniendo nos pais no ta e ‘’affluent (turista di calidad)’’ tourist cu nos pais semper a custumbra di dje. Na momento cu un turista ta prefer di paga menos pa por hospeda un caminda ta un indicacion cla cu e calidad di turistanan ta birando inferior. Esaki ta loke realmente ta pasando den nos turismo. Anja pasa tawata un anja sumamente malo pa e sector hotelero y anja 2016 no a habri diferente. E promer luna di anja tawata tin un caida den grado di occupacion di casi 9% y den REV PAR di casi 10%. Manera un miembro di AHATA a bise awe den reunion cu comision di turismo di parlamento tawata tin cu nan awe tardi.

"In 2015 business has suffer"

Sin papia di turismo crusero cu pa 2 anja consecutivo ta den caidanan grandi. Cada ken por repasa e picsnan y saca nan mesun conclusion si di berdad turismo ta loke Otmar ta pretende cu e ta!

Expresionnan haci den e articulo aki no necesariamente ta refleha opinion di ArenaPoliti.co