Nos a tuma nota di e plan di Ministro Benny Zievinger pa desaroya e waterfront di e Waf na playa unda 20 lot den waf lo wordo otorga “a dedo” segun su kier, e ta bai regala esakinan envez di permiti un bid nacional y internacional tuma lugar paso ta patrimonio di nos Pueblo esakinan ta cu gran balor unda fondo por wordo genera pa traha cas social pa nos Pueblo. Ministro Benny Zievinger ta permiti corrupcion tras corrupcion wordo cometi cu terreno di nos Pueblo awor e kier hasi mescos cu e waf na Playa, esaki ta TOTALMENTE INACEPTABLE y nos NO ta bai laga esaki tuma lugar. 

Tin mas di 9000 cuidadano y cuidadananan ta wardando pa terreno pa traha nan cas pa nan famia, riba dje NIUN CAS DI PUEBLO a wordo trahá dor di Gabinete Mike Eman 1 & 2, pero Ministro Benny Zievinger concientemente ta laga e grupo di AVP rondi di dje sigi haci negoshi cu terreno di Pueblo cu e ta otorga pa nan bai rebende: ESAKI PA NOS TA E DEFINICION DI CORRUPCION CU TERRENO DI NOS PUEBLO Y ORA MINISTRO ZIEVINGER CONCIENTEMENTE TA LAGA NAN SIGI HACI NEGOSHI CU TERRENO DI NOS PUEBLO Y MAS BIEN E TA DUNA SU GRUPO DI AVP MAS TERRENO PA NAN SIGI BENDE ANTO E CONCLUSION CU AMI TA SAKI TA CU NO SOLAMENTE MINISTRO BENNY ZIEVINGER TA COMPLICE PERO PAMI E TA LIDER DI E GRUPO DI CORRUPCION DI AVP CU TA HACI NEGOSHI CU TERRENO DI PUEBLO. 

Nos ta manda un senjal di alerta pa e Gruponan di Preshon: GRUPO 7, GRUPO BAN SALBA ARUBA, SINDICATONAN CU TA STIMA ARUBA Y EN PARTICULAR SINDICATO STA DI APA Y GREMIONAN COMERCIAL CU TA STIMA ARUBA.

Nos di MEP ta pidi UNION Y ACCION NA DEFENSA DI PATRIMONIO DI NOS PUEBLO. E plan di Gobierno di AVP pa regala waf na playa manera nan a fix e bid pa Astec haye contra tur regla ta algo cu NOS NO TA BAI PERMITI PASA. Nos ta alerta APA pa nan NO COOPERA CU PLAN DIABOLICO DI CORRUPCION y DESTRUCCION di Centro di Oranjestad unda e tram y parkeermeters ya caba a mata curason comercial di Oranjestad. Awo cu e plan aki nan ta mata e morto atrobe. SI APA COOPERA NOS LO MESTER PARA APA CU ACCION DURO Y DECISIVO MANERA NOS PUEBLO A BAI DEN ACCION ORA CERO PA DEFENDE NOS REFINERIA. Gobierno di AVP...boso a wordo adverti.

Glenbert F. Croes

Miembro di Parlamento

Fraccion di MEP
Glenbert F. Croes
Senator for Aruba
Member of Parliament of Aruba
Senador de Aruba
Miembro del Parlamento de Aruba
Movimiento Electoral di Pueblo (MEP)

Expresionnan haci den e articulo aki no necesariamente ta refleha opinion di ArenaPoliti.co