Despues cu for di aña pasa UPP a cuminza haci preguntanan entorno e forma con cierto specialistanan tabata declara nan facturanan na AZV, cu AZV riba insistencia di UPP a laga haci un investigacion forensico al respecto, y alabes despues cu recientemente UPP a bolbe haci preguntanan riba e casonan aki y tambe riba un caso na IMSAN, tin indicacionnan fuerte cu tanto Minister di Salubridad, como AZV, Imsan y HOH, ta creando e impresion pa laga e hendenan aki "get-away with crime".
Pa evita esaki, UPP a entrega dialuna 9 di november 2015, un denuncia na Ministerio Publico, cu e peticion pa haci un investigacion real y profundo riba e actonan inapropia aki.
Adhunto, prensa ta haya copia di loke a ser presenta na Ministerio Publico.

Ta di spera cu OM haci trabow di esaki, pasobra mester bay un señal pa comunidad, cu no ta pasobra bo tin cierto funcion, bo por haci kiko cu bo kier, y cu bo ta "untouchable".
Mescos cu e agente policial probablemente lo perde su trabow pa algo cu ela comete, cu no ta yega ni 1000 florin, con por ta cu mediconan cu ta haci actonan inapropia cu ta core den miles y miles di florin, AZV, IMSAN, HOH y minister kier sconde esaki y laganan "get away"?
Ley pa un, ley pa tur!!


Den nomber di Union Patriotico Progresista – U.P.P.
Candelario A. S. D. – Booshi – Wever
Brazil, november 9, 2015

Anexo: copia di file, entrega na M.P.

Expresionnan haci den e articulo aki no necesariamente ta refleha opinion di ArenaPoliti.co