E postura di e operador nobo di e casino na Hotel Occidental por ta asina arrogante solamente si nan tin apoyo di Gobierno di AVP. Esaki ta e conclusion cu nos ta saka tendiendo e declaracionnan di e representantenan sindical relaciona cu e posicion cu e operador nobo di e ex aura casino a tuma unda awor nan ta laga sa cu nan NO kier tuma casi NIUN trahador di ex aura casino bisando nan cu nan como operador nobo nan no tin niun obligacion cu nan. E operador di nobo di e casino ta full fout paso e casino ta wordo reconoci den nos leynan como un ongoing concern pa loke ta traspaso di e operacionnan por lo cual tambe e obligacion pa tuma tur e trahadornan bek. 

Loke ta condenable ta e wega sushi cu Gobierno di AVP en particularmente: Ministro Presidente Mike Eman , Ministro di Husticia Arthur Dowers y Ministro di Labor Paul Croes a hunga cu e donjonan di e hotel pa asina perhudica tur trahador di ex aura casino pa nan perde nan trabao sin exigi nan wordo pagá y awor riba dje NI MIKE EMAN NI ARTHUR DOWERS NI PAUL CROES NO TIN E CORAHE PA EXIGI E OPERADOR NOBO TUMA TUR EX TRAHADOR BEK NA TRABAO. 

Den nomber di Partido MEP nos kier categoricamente expresa: MEP TA EXIGI E OPERADOR NOBO TUMA TUR EX TRAHADOR DI AURA CASINO BEK NA TRABAO, MEP TA EXIGI GOBIERNO DI AVP: MIKE EMAN ARTHUR DOWERS Y PAUL CROES EXIGI E OPERADOR NOBO TUMA TUR EX TRAHADOR DI AURA CASINO BEK NA TRABAO, SINO TA BIN PROBLEMA GRANDI. TUME COMO ADVERTENCIA SERIO SINO TA BIN PROBLEMA SERIO.

NA TUR EX TRAHADOR DI AURA CASINO, MEP TA PARA BOSO TRAS. SI NO TUMA BOSO DESTINO Y FUTURO DEN BOSO MAN, GOBIERNO Y E OPERADOR NOBO TA TRAPA RIBA BOSO NAN. MESTER ACTUA AWOR. PRESHON Y ACCION TA E UNICO IDIOMA CU TA PRODUCI SOLUCION. MESTER BRINGA PA BOSO DERECHONAN NA BON OF NA MALO. Y DEN BON O DEN MALO BOSO CONTA CU NOS.

MEP TA CLA PA BAI DEN ACCION Y LUCHA PA BOSONAN. TRAHADORNAN DI TUR OTRO CASINO SEA ALERTA PA HISTORIA NO RIPITI NA E OTRO CASINONAN. MESTER ACTUA NOS TUR HUNTO AWOR.

Glenbert F. Croes

Miembro di Parlamento MEP

Expresionnan haci den e articulo aki no necesariamente ta refleha opinion di ArenaPoliti.co