Parlamentario Rene Herdé (AVP): Banco Central ta confirma e rol importante di Gobierno den economia
Den e reunion cu fraccion di AVP tabata tin diabierna siman pasa cu ehecutivonan di Banco Central, e rol importante cu gobierno a y ta sigui hunga den desaroyo economico, financiero, laboral y social di nos pais, a keda confirma un biaha mas. For di e informacion cu Banco Central a duna basa riba e desaroyo di e prome tres lunanan di e aña aki, por saca e conclusion cauteloso cu Aruba ta sigui sali for di e crisis financiero y economico y cu e reformanan cu gobierno ta haciendo tin nan efecto.
TURISMO
No tabata un sorpresa pa niun hende. E echonan ta visibel tur caminda. For di cifranan y calculacionnan di Banco Central por saca afo cu turismo ta sigui crece. Turismo ta e fuente mas grandi di entrada pa nos pais. Riba tur indicado di turismo tin crecemento grandi e aña aki atrobe. E unico excepcion ta e cantidad di turista di crucero, cu ta debi na e cambionan cu cruceronan ta haci tur aña. Tanto riba e cantidad di turista, e cantidad di anochi cu nan ta pasa na Aruba, como e cantidad di placa cu nan ta laga atras, tin un crecemento substancial. Midi segun loke banconan comercial a ricibi na entrada di turismo, via e cuentanan den exterior di banco di Aruba, tin un crecemento di 6.6% entre januari y maart di e aña aki. Segun e cuentanan local di e banconan comercial na Aruba, e crecemento di entrada di turismo ta mas grandi ainda: 7.7%. E cantidad di turista a subi cu 15.8% entre januari y juli di e aña aki. E cantidad di anochi cu turistanan ta keda a subi entre januari y juni cu 11.5%.
IMPORTACION
Pa un isla cu tin cu importa practicamente tur cos, importacion ta bira un indicador importante di inversion y di desaroyo economico en general. Segun e cifra y analisisnan di Banco Central di e prome tres lunanan di 2015, ta wak un crecemento leve den importacion compara cu 2014. Tambe e confiansa di inversionistanan pa e largo plazo ta miho cu aña pasa. Specialmente e sector di construccion ta mustra confiansa den desaroyo y inversionnan den nos pais. Esaki ta debi na e proyectonan grandi di infrastructura, manera e dos wafnan nobo, e hospital nobo, e avenida Watty Vos y e Green Corridor cu ta bou construccion of ta bay cuminsa pronto.
E ROL DI GOBIERNO
Si bo wak ken a y ta inverti den nos economia, ta resulta cu ta gobierno ta e motor di inversion a corto plazo. Sector priva ta masha cauteloso manera semper. E inseguridad den economia mundial ta e motibo di falta di inversion internacional. Algo cu ta notabel rond di mundo. Den e situacion aki, condicionnan internacional insegur y mucho poco inversion comercial, gobierno di Aruba a asumi su responsabilidad pa henter nos pais y a pone economia crece cu placa di pueblo. E indicadornan di Banco Central un biaha mas ta confirma e rol importante cu gobierno di AVP a hunga den saca nos pais for di e crisis. Ta e caminda di reforma pa pone nos pais bek riba pia y mas fuerte cu prome cu e crisis, ta e caminda cu ta bay sigui den e añanan cu ta bin.
Pa un isla cu tin cu importa practicamente tur cos, importacion ta bira un indicador importante di inversion y di desaroyo economico en general. Segun e cifra y analisisnan di Banco Central di e prome tres lunanan di 2015, ta wak un crecemento leve den importacion compara cu 2014. Tambe e confiansa di inversionistanan pa e largo plazo ta miho cu aña pasa. Specialmente e sector di construccion ta mustra confiansa den desaroyo y inversionnan den nos pais. Esaki ta debi na e proyectonan grandi di infrastructura, manera e dos wafnan nobo, e hospital nobo, e avenida Watty Vos y e Green Corridor cu ta bou construccion of ta bay cuminsa pronto.
E ROL DI GOBIERNO
Si bo wak ken a y ta inverti den nos economia, ta resulta cu ta gobierno ta e motor di inversion a corto plazo. Sector priva ta masha cauteloso manera semper. E inseguridad den economia mundial ta e motibo di falta di inversion internacional. Algo cu ta notabel rond di mundo. Den e situacion aki, condicionnan internacional insegur y mucho poco inversion comercial, gobierno di Aruba a asumi su responsabilidad pa henter nos pais y a pone economia crece cu placa di pueblo. E indicadornan di Banco Central un biaha mas ta confirma e rol importante cu gobierno di AVP a hunga den saca nos pais for di e crisis. Ta e caminda di reforma pa pone nos pais bek riba pia y mas fuerte cu prome cu e crisis, ta e caminda cu ta bay sigui den e añanan cu ta bin.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...