Apesar di daño cu ta causa  

Na comienso di aña Aruba a wordo adverti cu MEP y su aliadonan lo usa tur forma posibel pa crea un situacion di intrankilidad y malcontento na Aruba. Mientras Aruba, mescos cu resto di mundo, apenas ta saliendo for di e pio crisis den mas cu 100 aña, mientras cu Aruba ta recupera di e caida economico, social, laboral y di infrastructura mas grandi den 30 aña, e partido MEP a scohe pa no traha hunto cu pueblo pa busca solucion, pero pa destrui loke hunto pueblo di Aruba a logra den ultimo seis aña. E instigacion, menasa, intimidacion y destruccion na fin di augustus tabata preuba di kico MEP y su fanaticonan ta dispuesto pa haci. Pero apesar di tur e daño cu nan a causa, nan a scohe pa sigui riba e rumbo aki. Preubanan di esaki tin nan cantidad! E articulo cu MEP a laga publica den De Telegraaf den fin di siman ta djis otro preuba di e mal intencion di MEP cu Aruba. Pa MEP purba yega na poder nan ta dispuesto pa caba cu Aruba y cu tur hende cu no ta di acuerdo cu nan. Nan no ta importa e daño cu nan haci na Aruba y na tur e famianan cu kier biba trankilo y miho. E resultadonan di loke Aruba a logra den apenas seis aña y mei mei di e dobel crisis, no ta conta pa MEP. MEP no kier reconoce e dicho cu ta bisa: "Si bo no ta cuida y ta agradeci pa loke bo a logra y loke bo a haya te awor, bo ta core riesgo di perde tur cos."

RESULTADO
Ora hende realisa unda nos tabata, unda nos a yega den seis aña y unda nos tin cu bay, nan ta realisa tambe ki daño MEP ta causando y cuanto nos a logra y no mester perde hamas. Algun di e cosnan cu nos a logra ta cu apesar di e crisis, alogra tene e pensioen di tur nos grandinan na e mes un nivel y a hasta aument'e. Den otro paisnan e pensioen a wordo corta of hende a perde tur. Na Aruba e prijs di coriente a subi cu 250% den e ocho aña di 2001 pa 2009. Den e ultimo 6 aña e prijs a baha cu promedio di 8%. E salario di trahadornan di gobierno y maestronan di scol a bay dilanti cu 5 mil florin, nan a haya indexering bek. Den e ocho aña prome nan a bay atras cu 24% y a perde indexering. Trahadornan den sector priva cu un salario te 2400 florin nunca a haya atencion di gobierno. Den e seis aña cu a pasa nan a haya e reparatietoeslag for di caha di gobierno y nan tambe lo haya un didos entrada ora nan baha cu pensioen. Banda di e pensioen di behez, nan lo tin e pensioen cu hunto cu nan doño di trabou ta paga awor. Esakinan ta djis algun di e adelantonan cu nos pais a haci mei mei di e crisis, pa sali di e pos cu nos tabata aden apenas seis aña pasa. Pero tur esaki no ta importante pa MEP. Tur esaki nan kier sacrifica door di lastra Aruba y kibra nos pais. No interes di nos pais, pero nan interes so ta conta!

Expresionnan haci den e articulo aki no necesariamente ta refleha opinion di ArenaPoliti.co