Benny Nisbet (PPA): “Pueblo mester controla e destinacion di espacio na Oranjestad…. Awor cu containerhaven a muda pa Barcadera”
Desde 1993/1994 ora a bira conoci cu den mi calidad di Ministro di Transporte y Comunicacion mi a firma un acuerdo cu E.C.T.(Europe Container Terminal) pa studia e mudamento di Containerhaven pa Barcadera….a nace e pregunta….kiko lo ta e destinacion di e espacio cu lo bin liber !!
Ta importante pa nos sociedad y sigur e parti commercial tene un vista critico riba e desaroyo aki pa controla cu esaki ta worde atende dentro di un forma responsabel y e miho uso posibel pa desaroyo di Oranjestad. No mester lubida cu no ta solamente e espacio cu gobierno/DOUANE/APA NV lo bin liber pero rond di e haf di Oranjestad ….hopi compania cu tabata duna un servicio cu tin di haber cu e mundo di ‘Shipping’ tardi of trempan lo busca tereno na Barcadera pa nan muda y nan edificionan etc. tambe lo bin liber. Cu otro palabra e mudamento aki lo tin un impacto enorme riba nos capital di Oranjestad.
Na otro banda…..por comprende cu e haf lo por moderniza e haf di Oranjestad dentro di su meta principal cu cual E lo keda esta nos haf pa Cruise tourismo. Cu otro palabra dentro di un ‘mercadeo dinamico’ pa optimalisa e bishita di cruise-ships….lo mester analisa con por usa e espacio cu ta bin liber na beneficio di Cruise tourismo su desaroyo y consecuentemente optimalisa e infra-structura aki positivamente.
Esaki tabata un di e metanan for di prome momento ora nos a prepara e vision di PPA pa muda Containerhaven for di Oranjestad pa Barcadera. Un expancion di infrastructura na Barcadera y un espacio cu lo bin liber pa un desaroyo nobo na Oranjestad.
Den e ultimo simannan nos por a tende un expression di parti di e gobierno actual …..cu e espacio cu lo bin liber lo por worde usa pa tur cos menos ‘shopping centers’ pasobra gobierno a inverti mucho placa den e caya principal di Oranjestad. PPA mester cuestiona e ponencia aki ?
Na prome lugar un gobierno no solamente ta inverti den infra-structura cu un cierto meta pero un gobierno mester duna ‘incentivo’ pa guia un cierto desaroyo si acaso e gobierno aki tin un vision cu e kier mira worde desaroya. Fuera di inverti den e ‘streettrolleys’ cual ta otro vision/idea di PPA e actual gobierno NO a projecta un vision con nan ta desea pa e uso di Oranjestad worde reparti. Naturalmente semper esaki ta dificil pasobra mester ‘deal’ cu propiedad priva di gruponan commercial pero tambe e ‘entrepreneurship’ di e gruponan priva aki. Pesey mes un di e instrumentonan di un gobierno ta pa primeramente duna un vision cla……..con ta desea pa mira cierto desaroyo na Oranjestad…..despues di cual ta fiha un maneho di incentivo. Pero e gobierno actual ta grita/sclama pero nada di uso su instrumentonan.
REACHING FOR THE SKY……UN ARUBA WORLD TRADE CENTER !! E MIHO ALTERNATIVA !!
PPA ta keda accentua e posiblidad pa dentro di un public private partnership analisa e posiblidad di construccion di un Aruba World Trade Center. Nos ultimo publicacion a pone cu nos a ricibi hopi reaccion positivo y tambe cu pregunta critico …..con nos realmente ta kere cu algo asina por worde ejecuta. Na prome lugar un vision di un partido politico no ta kita for cu un esfuerzo ‘public –private partnership’ lo mester larga hasi un estudio profundo riba e alternative aki. Pa PPA ta importante cu e actual gobierno cu su aventuranan riba cu tereno no tuma otro decision y mata e unico alternativa serio pa Aruba jega na un Aruba World Trade Center.
Un vez mas un World Trade Center ta un organisacion cu lo stimula ‘international trade’ y lo produci e cifranan y informacion periodicamente pa stimula inversion no solamente na Aruba pero tambe den nos region. E solo presencia di un Aruba World Trade Center …..lo stimula ainda mas e posibilidadnan pa Aruba por bira un HUB INTERNACIONAL cual ta e vision major di PPA pa e ultimo 30 anja….y nos ta accentua … UNICO partido cu a projecta esaki eleccion tras di eleccion.
Un Aruba World Trade Center si e worde construi lo mester worde construi na un sitio ‘strategico’ for di unda e bishitantenan na e Trade Center aki por observa diariamente e dinamismo di nos pais. E Careterna mas ‘druk’ di Aruba, e bai bin di nos cruiseships y e avionan cu ta baha na nos aeropuerto Internacional di Aruba. Un sitio asina tabata pariba di John F Kennedyschool pero e sitio ey a worde destina pa edificionan di gobierno. Na Barcadera bishitantenan di un Aruba World Trade Center lo confronta diariamente/semanalmente e candela na dump. Pesey PPA a conclui cu e miho lubar lo ta parti di e tereno cu ta bin liber door di e mudamento di Containerhaven pa Barcadera.
Reaching for the sky……y creando un HUB INTERNACIONAL completo y pa hasi esaki un exito lo depende di e ‘formula’ cu worde escogi pa un private public partnership cu e meta aki. PPA mes ta pensa riba:
- Un exhibition Center…..!
- Un cantidadi di Convention Centers….!
- Showrooms pa productonan…..!
- Oficinanan moderno pa Comercio International etc…!
- Representacion di algun departamento di gobierno di Aruba !!
- Dos business hotels…pega riba e Convention Center !!
- Un parkeerplaats priva pa e totalidad !!
Si gobierno tuma decisionan unda a sirbi interes di algun financiador di campanja sin cu tin un vision maera na esaki……e por resulta cu Aruba ta worde severamente perjudica. Pesey PPA ta spera cu gobierno y pueblo tene debidamente cuenta cu nos pensamentonan. Aruba mester REACH FOR THE SKY !!
Aruba, 21 di februari 2016.
Lider politico di PPA
BENNY NISBET
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...