Gabinete ME II: Prome Minister Eman ta cera acuerdo cu sister city Doral
Oranjestad-Aruba ta ciudad ruman awor di Doral, Florida. Diabierna atardi Prome Minister Mike Eman hunto cu Alcade Luigi Boria a haci esaki oficial ora a firma e SisterCities Agreement. Un aliansa asina ta trece beneficio so pa Aruba. E programa “Sister Cities” a wordo funda mas di 50 aña pasa dor di President Dwight Eisenhower. E meta di e programa aki ta pa crea y fortifica partnership entre Merca y comunidadnan rond mundo pa medio di cooperacion municipal, comprension cultural y desaroyo y actividadnan economico. E oficina di “Economic Development & International Trade (OEDIT)” ta administra e programa di Miami Dade Sister Cities. E ta promove diplomacia civil, comprension cultural internacional y negoshi y comercio di misionnan di exterior, guia misionnan pa comunidadnan aliado den exterior y desaroya proyectonan local cu ta fomenta interes den asuntonan mundial.
Expresionnan haci den e articulo aki no necesariamente ta refleha opinion di ArenaPoliti.co