Luigi Bergen (MEP): MEP ta Persisti Na Bienestar di Trahado
‘… y economia lo crece cu 6%.’
Indicacion: Pa diabierna 13 di mei 2016 Citgo (PDVSA), Pais Aruba y Valero ta firma un convenio pa re-apertura di e refineria. E esencia di e convenio ta cu Valero lo bende e refineria y cu Citgo lo opera esaki den nomber di Pais Aruba.
Bienestar: Re-apertura di e refineria lo ta na bienestar di hopi ex-empleado di Valero. Tin empleado lo haya trabao directo cu e refineria y otro empleado cu contratista. Esaki kier men varios famia lo ‘lanta cabez’ bek.
Libertador: Nos Libertador, sr Betico Croes d.f.m. a bisa cu si tin 1% pa habri e refineria, anto mester haci todo lo posibel pa logra esaki. MEP a haci tur empeño paden y pafor di Parlamento. Den Parlamento atravez di añanan Evelyn y MEP a presenta varios mocion pro re-apertura di refineria. Mike y AVP su postura a keda pro desmantelacion di refineria. E tabel adhunto ta papia palabra hopi cla!! Tur mocion ta riba e website di Parlamento, esta www.parlamento.aw.
Accion Ora Cero: No a keda MEP nada otro cuminsa cu ‘Accion Ora Cero’. Accion pa demostra publicamente, na mundo henter, cu Aruba y MEP ta pro re-apertura di refineria. E accion aki a haya respaldo grandi di pueblo dilanti portanan di Valero na San Nicolaas.
Glembert: Accion Ora Cero di Evelyn Wever-Croes y MEP, esfuerso persistente di Parlamentario Glembert Croes y intervencion di Comision Permanente di Energia di Parlamento a forsa Gobierno te unda nos ta awe. Tur esfuerso ta contra boluntad di Mike y AVP cu te awe ta pro desmantelacion di e refineria.
Economia: Tur instancia financiero economico y social economico ta indica cu re-apertura di e refineria ta e solucion pa atende cu e MEGA debe cu Mike y AVP a hinca nos aden. Nos lo haya (1) e di dos pilar economico bek, (2) economia lo crece cu alrededor di 6% y (3) Mike y AVP no mester suta e pueblo cu mas medida.
MEP: Mas importante ta cu Aruba ta na vispera di un biento fresco pa su pueblo. Na vispera di mira cu no mester medida pero solucion. Na vispera di pone prioridad corecto na bienestar general di tur nos hendenan. Un muestra cu MEP SI POR!!!
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...