Como un posibel pilar economico nobo 

Durante encuentronan Inter-Parlamentario (“IPKO”) cu a conclui diaberna ultimo na Hulanda, Parlamentario Andin Bikker (PDR) a propone cu exito pa cooperacion den Reino riba e economia di Internet. Esaki den cuadro di su esfuersonan continuo pa busca pilarnan economico nobo pa Aruba cualnan ta relativamente fasil pa realisa y ta pas den e desaroyonan global.

Hulanda ta hopi avansa riba e tereno di economia di Internet y por duna asistencia cu su conocimento adkeri (“know how”). Como ehempel por menciona e compania/app www.booking.com, cual ta di origen Hulandes y a wordo balora na 19 biyon Euro.

Manera PDR a reitera varios biaha, companianan cu lo por opera riba Internet for di Aruba lo ta un impulso pa e economia y lo crea empleonan di un indole completamente nobo. Por pensa aki riba esnan cu ta desaroya "apps", cu ta opera riba tereno di "crowd funding" y "social media", etc. Cu e pensamento aki Andin a propone den e werkgroep di “Economische kansen” pa incorpora den e lista di acuerdonan di IPKO un palabracion riba e tema, cual a wordo acorda cu sosten di tur e delegacionan. E texto acorda ta bisa: “In het kader van de verdere ontwikkeling van nieuwe economische pijlers uiten de delegaties de wens tot bevordering van samenwerking tussen de landen op het gebied van interneteconomie, bepaaldelijk door het delen van kennis en het scheppen van randvoorwaarden om, waar mogelijk, meer ondersteuning te bieden aan innovatieve initiatieven op dat gebied (ICT-“start-ups” zoals bijvoorbeeld app-makers, aanbieders van elektronische betaalsystemen, crowdfunding, sociale media en andere commerciële platforms).” 

Asina Andin ta duna su aporte a base di su expertisio pa e progreso di nos pais.

E siman aki reunionnan lo continua den Parlamento Hulandes caminda lo trata como 4 ley federal (“rijkswetten”), a base di un mocion cu Andin a presenta aňa pasa pa trata leynan federal ora cu Parlamentonan di Aruba, Corsow y Sint Maarten ta na Hulanda.

Expresionnan haci den e articulo aki no necesariamente ta refleha opinion di ArenaPoliti.co