Den rueda di prensa Partido Democracia Real, Andin Bikker lider politico a comenta cu e aumento di nos pais su debe nacional, ta debi na gastonan adicional pero gobierno ta sigi bay over na sigui gasta. 

Segun Andin Bikker e asina yama PPP Projects ta acumulando y e bottom line ta cu ora bo debe y keda paga credit card cu credit card e debe ta keda subi. 
Hecho ta cu gobierno a maneha descabeyadamente e debe di nos pais, y pa IMS pa un pais comparable cu nos, los si nos ta di Reino Hulandes of no, su tasa di debe ideal lo ta maximo di 45 pa 50% y mas cu esey e no por bay. 

E parlamentario a agrega cu tin cu ta bay te 60% pero esey, cu no ta bon pero nos a sobrepasa 80% cu e ta kere tog a bay bek na 80%. 

Andin Bikker a splica cu e debe ta subiendo substancialmente, riba cuater billion florin y den apenas un temporada asina cortico, e ta algo alarmante y ni con partido AVP purba hustifica esaki, e no ta bon gobernacion pasobra na final di dia Aruba ta keda sustenta y sostene riba un pilar economico y, pa colmo, Diabierna awor ta bin den Parlamento un ley cu lo wordo trata y cu ta un experimento cu ta hunga cu nos industria turistico, y cu ningun caminda di mundo tin un ley asina, pero asina mes gobierno ta presta su mes na redobla e debe nacional, segun e parlamentario, y sigui di manera cu cuantiosamente e ta keda subi.

“PDR ta keda reitera cu esaki ta preocupante pasobra partido AVP ta cada cuater aña ta haya mandato, pero e tin e pretension di sinta mara e futuro generacionnan na debenan cu e no tin mandato p’e. Ora nos tin eleccion, mester huzga bon ora di forma opinion pa vota con ta hacie pasobra e persona aki (Prome Minister) ta bon den campaña pero malo den goberna” Andin Bikker a menciona.

Expresionnan haci den e articulo aki no necesariamente ta refleha opinion di ArenaPoliti.co