Nos ta memei di luna di augustus 2016 y segun Parlamentario mr. Juan Ady Thijsen si nos mira e situacion actual di nos pais nos por constata cu defacto (practicamente) y de jure (huridicamente) nos pais Aruba a crash, financieramente, economicamente y socialmente.

Nos pais structuralmente ta gasta mas cu e ta ricibi na entrada. Esey kiermen cu tur anja nos debe como pais ta sigi crece. Pa paga debe nos pais ta fia plaka cu consequencia cu interes y summa di prestamo pa paga ta sigi crece. Pa e aña aki Minister di Finanzas di Aruba a haya un autorisacion for di AVP di 400 miyon pa busca prestamonan. Segun CAFT Gobierno ta conta di ricibi na 2016 e summa di 67 million for di e refineria. Te awor no tin indicacion concreto cu esaki lo ser logra. Di otro banda gobierno ta sigi aumenta su gastonan di personal. "Het CAft maakt zich zorgen over de stijging van de aan personeel gerelateerde lasten terwijl de voorgenomen besparingen alsmaar niet gerealiseerd worden". Segun Parlamentario mr. Juan Ady Thijsen CAFT mes ta constata cu Finanzas bow AVP a crash pero CAFT ta sigi contribui den e show financiero di AVP sostene pa Hulanda. Economicamente tambe Aruba a crash segun Parlamentario mr. Juan Ady Thijsen. E crecemento economico ta laba laba na nihil mientras gobierno ta spera riba un crecemento di mas di 6%. Realidad ta cu no tin refineria, tin hopi desempleo y comercio no tin suficiente entrada. Comercio a hasta bin cu un acion Cry for action. "Turnovers are very heavy under pressure and the calmness in the street (also on Saturdays) since the introduction of the parking meters is very worrying. Big changes are necessary and the government should recognize that changes must be made. " Crecemento turistico ta basa principalmente riba turistanan cu no ta bin na keda hotel cual ta un desaroyo preocupante. Un pueblo sin entrada of suficiente entrada a conduci na un crash socialmente di nos pais. Ciudadanonan no por cumpli cu debernan financiero y esaki ta trece multiple problemanan social y lamentablemente hopi biaha hudicialmente. E pueblo ta sufriendo. Awe mes nos por lesa"Mokel usa pa maltrata anciano den su cas, e ta wordo transporta cu urgencia pa hospitaal".
Segun Parlamentario mr. Juan Ady Thijsen culpabelnan den e crash multiple di nos pais ta Gobierno di AVP bao liderasgo di Mike Eman, e Fraccion di AVP den parlamento, prensa comprometi, gremionan cu ta keda sostene e gobierno di AVP y Hulanda cu su CAFT!!! Tur ta complice di e crimen contra nos pueblo!!
Pa es motibo aki segun Parlamentario mr. Juan Ady Thijsen pueblo mester bira consciente y escoge pa un mihor Aruba! MEP ta e alternativa! Solo ta sali pa NOS tur!!!

Expresionnan haci den e articulo aki no necesariamente ta refleha opinion di ArenaPoliti.co