Nos estado di derecho, nos Trias politica, nos Status Aparte ta na suelo bao GE I y II. Parlamento di Aruba a bira un extension di Gobierno, mescos cu nos Ministerio Publico cu no ta investiga tur e casonan cuestionabel di Gobierno di Mike Eman. 29 di Augustus 2016 a bay den historia cu partido AVP no a presenta den Parlamento (Organo mas halto di nos constitucion) pa debati riba un ley cu nan a yama den Parlamento. Desde 2011 ta trahando riba mas cu 800 cambio den nos Codigo Civil y mas o menos 9 siman pasa a presenta un amienda hunto cu e ley aki. Awo pueblo sa kico por spera di AVP nan mentalidad dictatorial unda cu e lider di fraccion di Sr. Rene Herdé (A cobra 2 Miyon) ta bisa cu mester haci gobierno MEP Proof y cu un Presidente di Parlamento mester ta "capacita" y cu "experiencia" pa haci locual Gobierno dicta. Parlamento ta independiente di Gobierno y tin su Reglamento di Ordo combina cu nos Staatsinrichting pero bao AVP esaki no ta e caso.

Dos siman pasa e dos ministernan Arthur (Percepcion) Dowers y Paul (Watsapp) Croes no tawata apto pa contesta e preguntanan di Parlamento riba e cambionan. E cos aki a para bira un rotzooi total. Nos lider honorario Sr. Nelson O Oduber a haña rason cu su expresion: "Ora bo laga ken cu ta, haci kico cu ta, tur cos ta bay con cu ta." Nos pais a bira un berguensa den Reino Hulandes. E politiconan di AVP no sa mas kico pa haci: Andy Lee, Lainda Westerhof, Juan Irausquin ta algun cu a baha na awa di partido AVP pa e desaster crea y tambe Marisol Lopez-Tromp ex-PPA, ex-MEP y awo ex-AVP. Pero Mike (MEGADEBE) De Meza keto bay ta eynan despues cu el a HEDGE WEB y a laga nos economia na 0.1% na 2015 y tur cos ta mustra scur pa 2016. Si no tawata pa MEP, no tin reapertura di nos Refineria Nacional den e presupuesto di 2017 y cu sigur lo a ocasiona un otro KB pa GE II. Minister Mike De Meza ta fix tur cos pa e por gana tur e beneficionan di e Reapertura cu esnan liga na AVP. E "Super Deal" mester yega Parlamento prome cu nos digno pueblo mester lanta pa salba nos pais di e decadencia, facismo y democracia marginal cu nos ta bibando aden.

Sr. Mike Eman a entrega nos Autonomia Financiero y endueda nos pueblo te 2040 y awo ta core pa e responsabilidad politico cu nos digno pueblo a duna su partido na 2009 y 2013. Ta MANIPULA percepcion publico cu Kwashi den man, mashin di Chapi y pega bombiyo den nos barionan. A keda demostra cu partido AVP a gana eleccion basa riba mentira y clientelismo y no tawata tin un programa realistico y cu bon analisis. Pasobra tur nos Ministerionan tin problema serio, un mas cu otro, pero a keda demostra den e ultimo 7 añanan cu Mike y AVP a hiba nos pais den un caos total. Mihor cos Mike por haci ta bay cas pa caba, bisa su Ja Knikkers pa baha su gobierno y yama eleccion. Boso tur ta un berguensa nacional!

Expresionnan haci den e articulo aki no necesariamente ta refleha opinion di ArenaPoliti.co