Diaranson ultimo, 17 di december a tuma luga un referendum na Sint Eustatius. E meta di e referendum tabata pa dicidi ariba e futuro structura estatal di e isla.

E situacion di Sint Eustatius ta uno peculiar, paso Sint Eustatius ta e unico isla cu a vota pa mantene Antiyas Hulandes mientras cu Boneiro y Saba a vota pa forma parti di Hulanda. Al final Sint Eustatius a bay di acuerdo pa bira un di e islanan BES pa asina no stroba e desmantelacion di Antiyas Hulandes. 

Na e participacion electoral di referendum aki a mara un minimo di 60% pa e resultado ta valido. Sinembargo e porcentahe di votado apenas a surpasa 45%.

Tin cu bisa si, cu di esnan cu si a bay vota, 65% di e votadonan ta prefera pa Sint Eustatius tin un Status Aparte similar na Aruba, Curacao y Sint Maarten. Un minoria di 32% ta prefera pa e situacion keda manera cu e ta. Finalmente 0% a vota pa independencia y 1% a vota pa integracion total den Hulanda.

Expresionnan haci den e articulo aki no necesariamente ta refleha opinion di ArenaPoliti.co