For di eleccion 2005 PPA tabata e prome y te awor e UNICO partido cu realmente a projecta diversificacion di nos producto turistico door di propone pa Aruba dedica atencion y crea un sector di ‘Health & wellness tourism’. E vision aki durante varios eleccion a worde rechasa pa varios partido politico aki na Aruba cual ta hasi cu varios otro destinacion den Caribe ta hopi mas leeuw riba e tereno aki cu Aruba. Aruba a perde diez anja desde cu PPA a presenta e vision aki !!

Kiko ta ‘health & wellness tourism’ ?

‘Health and wellness tourism refers to trips that are taken by tourists with the principal purpose being to improve their healtn and /or well being’.

Pa Aruba realmente bira un lider den turismo, Aruba mester haya e asina yama ‘competitive edge’ den turismo. Pa logra esaki mester diversifca, bin cu alternativanan cu lo yuda fortifica loke ya nos tin y guia un desaryo pa por bira un ‘marketleader’ den e aerea aki. Health and Wellness tourism ta e unico producto alternativo nobo cu tin e potencial pa yuda duna Aruba e competitive edge aki. Ta conoci cu e grupo di babyboomers di despues di Segundo guera mundial a yega edad di pensioen. Nan ta e grupo cu mas entrada na Merca y cu ta prefera di combina nan vacacion cu cuido medio/salud. E tipo di turismo aki ta gasta por lo general mas placa cu e tipico vacation tourist. Esaki ta e mercadeo di futuro, e niche market cu Aruba mester exploita. PPA ta sigur cu Aruba por !!

Segun World Bank ‘health & wellness services ta pasa/genera $ 40 billion dollar anualmente. Tambe e ta e unico sector di tourismo cu ta crece formalmente. Turismo den su totalidad tin un crecemento di 4.5 % anualmente, mientras cu ‘health & wellness tourism’ tin un crecemento di 30 % y ta esaki ta worde projecta pa e sigiente 10 pa 12 anja ainda. Si analisa e diferente segment (e.o edad) di esnan cu ta interesa den destinacionan cu tin ‘health & Wellness’ anto mester referi primeramente na e segmento di 50 pa 65 anja cu tin e potential mas grandi mientras ta worde nota rond mundo cu e segment di 20 pa 24 anja ta cuminsa mustra un interes grandi pa e sector aki.

Con bo ta jega na crea un ‘health & wellness sector’ den nos comunidad ?

Pa logra esaki lo mester tin un maneho di gobierno cual ta stimula y accentua e sector aki y ta demanda mehora calidad di servicio den TUR institution cu ta ofrece e servicionan aki pero tambe stimula inversion den e sector aki .

Tambe esaki ta nifica un cooperacion entre sector di turismo y sector di ‘health & Wellness’ pa por analisa kiko Aruba tin di ofrece y cual ta e servicionan unda ta necesario pa mas inversion. Na mes momento con por logra esaki sin affecta e servicio di calidad cu mester worde duna na e sector di nos populacion local. Cierto momento PPA a nota un atencion di parti di e maneho di salud publico pa e vision aki pero nos no a tuma nota di un maneho fuerte, dinamico ta e ministerio aki menos ainda ministerio di Turismo !

Health & Wellness ta worde reparti den e.o.:

1. Servicionan medico
2. Wellness y Spa’s…
3. Cuido pa anciano amplio y professional….
4. Servicio di ‘research & diagnostic’
5. Programanan fysico….
6. Tratamento di belleza (beauty treatment)
7. Therapia alternative deriva di diferente cultura….

y lo rekeri inversion den diferente servicio, projecto cu tin di haber cu e sector aki !!

PPA ta keda accentua cu e producto turistico di nos pais Aruba mester worde diversifica !! Y cu sector inovativo manera ‘health & wellness’ lo por crea un sector dinamico, creativo y cu cuponan di trabao di nivel y cu bon entrada pa nos pueblo di Aruba. Seis anja a bai perdi, pasobra simpelmente e partido AVP na mando NO a duna prioridad na e sector importante aki.

PPA for di pafor di parlamento lo keda accentua e sector aki su potencial di desaroyo den futuro si realmente e ricibi e atencion debido for di tanto Ministerio di Turismo, Ministerio di Salud Publico y no kabe duda cu Ministerio di Asuntonan Economico tambe lo por tin un rol coordinador di despleha. Shonnan seis anja a bai perdi……a bira tempo pa dedica atencion na sector cu por diversifica nos producto turistico di Aruba. PPA lo bin bek riba e tereno aki ……!!

Aruba, 13 di December 2015
Lider Politico di PPA
BENNY NISBET, PPA !!

Expresionnan haci den e articulo aki no necesariamente ta refleha opinion di ArenaPoliti.co