Parlamentario mr. Xiomara Maduro (MEP): MEP ta convivi cu famia y amigo di e victimanan di Pulse na Orlando
Parlamentario mr. Xiomara Maduro:
MEP ta convivi cu famia y amigo di e victimanan di Pulse na Orlando
Mundo henter a keda conmovi pa e matansa na e discoteca Pulse na Orlando. Diferencia di opinion of preferencia sexual no por ta motibo pa nos tene rencor, duna trato indiferente of bay mas lew di kita bida di un persona. Nos di MEP ta convivi cu famia y amigo di e victimanan cu a perde nan bida den e forma asina cruel y pa e motibo aki nos a acudi diaranson atardi pa firma e registro di condolencia cu Stichting ALFA a pone disponibel pa e gesto aki. Cu e sigiente texto nos a ofrece nos palabra di condolencia y convivencia.
On behalf of the people of Aruba we express our deepest condolences. Our thoughts and prayers are with all the victims and the families affected by the horrific act at Pulse in Orlando. May God give you strength.
On behalf of the MEP Party, Xiomara Ruiz-Maduro
Cu Dios por sosega nan alma y brinda consuelo na famia y amigo di e victimanan.
14 juni 2016
Expresionnan haci den e articulo aki no necesariamente ta refleha opinion di ArenaPoliti.co