Evelyn Wever-Croes (MEP): Mi ta convivi cu famia di Mitch Henriquez | Husticia mester vence!
![Evelyn79](/images/2016-press/Evelyn79.jpg)
Sta Cruz -- Ministerio Publico na Hulanda a conclui cu e agentenan policial a actua incorecto dia a asesina Mitch Henriquez na Den Haag na juni di anja pasa.
Expertonan cu a hasi e investigacion pa Ministerio Publico Hulandes a conclui cu e 'nek klem' tabata devastador. Tambe a menciona uso di pepperspray den su cara, cual tampoco ta bon. Tambe cu enbes di pone Mitch den e van di polis mester a yama ambulance pe mesora. Asina tin mas critica severo cu e expertonan a trese padilanti. Dialuna ministerio publico lo dicidi si lo persigi e agentenan policial cu a hasi nan mes culpabel na e hecho aki cu a condusi na morto di Mitch Henriquez. Si Ministerio publico no kier persigi, tin forma pa forsa nan. Mi a pidi representante di Hulanda na Aruba un cita pa discuti esaki cune.
Na e momentonan aki mi pensamento ta bai na mama di Mitch sra Maria, su rumannan, su yiunan y henter famia. Ta duro pa cada biaha mester bolbe habri e herida, y ta un hecho cu e herida lo no cura tanten husticia no vense. Nos ta convivi cu famia di Mitch, y nos kier segura nos comunidad cu nos lo no descansa te ora husticia vense. Nos ta hasi esaki den nomber di memoria di Mitch pero tambe den nomber di tur nos yiunan cu ta biba of studia na Hulanda.
Expresionnan haci den e articulo aki no necesariamente ta refleha opinion di ArenaPoliti.co