Manera ta conoci e feitenonderzoek relaciona cu e hedging agreement cu WEB a firma a keda cla. Nos ta wardando pa esaki yega Parlamento, p’asina nos por trata e contenido y debati riba kico no a cana corecto y kico ainda lo por wordo haci pa pueblo por logra haya un reduccion di tarifanan di utilidad.

Un aspecto cu ta di tene cuenta cune ta e parti di boeteclausule cu ta mara na e hedging agreement. Ta hopi importante pa nos haya sa e contenido di e boet p’asina nos lo por evalua si e lo ta conviniente si of no pa cancela full e contract, paga e boet y toch logra un reduccion pa pueblo di Aruba. Esaki ta importante pasobra a base di calculacion cu nos mes a haci riba un uso di 140 mil bari pa luna y hedging di 96 dollar nos por a conclui cu WEB a paga den e ultimo lunanan entre 50-60 miyon florin di mas!

Awor cu e resultadonan ta conoci nos ta spera cu Minister De Meza y presidente di Parlamento por re-anuda e reunion di 22 januari ultimo cu a wordo posponi cual den principio mester a wordo yama den 2 siman y hopi tempo a pasa caba. E actonan di gobierno ta mustra di un forma cla cu nan no tin e gritonan di e pueblo Arubano na serio pa por trece un alivio den gastonan di utilidad!

Expresionnan haci den e articulo aki no necesariamente ta refleha opinion di ArenaPoliti.co