Eddy Ras (PDR) ta felicita comunidad Portugues y comunidad di Philippina cu nan dia nacional [+audio]
![EddyRas01](/images/400x210/EddyRas01.jpg)
Dia 10 juni aña1580 Luís Vaz de Camões a fayece y e comunidad Portugues ta celebra e fecha aki como dia nacional di Portugal. E aña aki ta hasi 50 aña cu comunidad Portugues ta celbra dia di Camões aki na Aruba. Señor Aventura ta e prome persona di e cumonidad Portugues cu a organisa e celebracion di dia nacional di Portugal aki na Aruba, y pa es motibo e celebracion di e aña aki a wordo considera na su nomber.
Dia 12 di juni comunidad di Philippina ta celebra nan dia nacional. E fecha aki ta wordo recorda cu Philippina a sali for di Colonia Spaño, pa medio di e guera entre Spaña y Estado Unido. Aunke general Emilio Aguinaldo a anuncia independencia di Phillippina dia 12 di juni aña 1898, Phillipina a cay bou di e man di Estado Unido y a logra su independencia realmente dia 4 juli aña 1946. Te cu aña 1962, Phillipina tawata ta celebra dia di independencia dia 4 di juli. Na mes un aña 1962 president Diosdado Macapagal a firma cu dia 12 di juni lo ta e fecha nacional di Philippina su independencia, y dia 14 juli lo ser nombra Replubic day y Philippine-American Friendship Day.
Un pabien grandi na tur dos comunidad cu nan dia nacional.
Expresionnan haci den e articulo aki no necesariamente ta refleha opinion di ArenaPoliti.co