Door di trese sector laboral mas serca di enseñansa, hobennan ta haya bista tocante ki exigencia e funcion ta exigi (ki estudio, nivel di scol, comportacion professional, etc). Aserca den cual profesion ta bay tin, duna un bista tambe si tin otro persona(nan) ta hasi e estudio caba y cuanto persona tin ta hasi e esaki. Door di e mercado laboral como gobierno bo ta instrui cu bo mesun hobennan local ta bay tuma e puestonan cu den futuro ta bay tin y ta preveni pa “importa trahado”. Unda cu den futuro hobennan por studia y eherse den locual nan a bin ta studia. Door di diversifica bo pilarnan economico bo ta brinda mas oportunidad y e posibilidad pa un hoben tuma un educacion den locual ta pas na su persona. Actualmente nos tin un pilar economico cu ta turismo, y turismo no ta brinda trabou pa tur hende riba e ramo cu nan tin interes pa eherce den futuro. Por ehempel si awe e refeneria ta den funcion, tin oportunidad pa eherce mas profesion. Dus bo ta haci uzo optimal di e profielnan cu enseñansa ta ofrece. Kiermen bo lo no ta steun solamente riba e parti di horeca pero tambe riba e parti tecnico y sencia. Di e manera aki bo ta crea un forsa laboral balansa. Esaki ta bin door cu cada pilar economico riba su mes, lo tin demanda riba diferente profecion cu ta eherce na e servicio cu nan como compania ta ofrece. Di manera aki como gobierno bo ta logra trese bo profesiolnan back despues di nan estudio y cu oportunidad cu nan ta bay tin un empleo.