Eddy Ras (PDR): A base di cifras un MAVO/ HAVO na Noord ta un necesidad
Un tema cu den pasado a wordo menciona ta e reguliere MAVO / HAVO na Noord. Bou di reguliere MAVO / HAVO ta wordo comprendi dagschool (scol di den dia). Durante añanan escolar e demanda pa un MAVO / HAVO na Noord a bira cada bes mas grandi. E demanda a bin ta crece como cu e cantidad di alumnonan di regio Noord / Tanki Leendert cu ta sigui nan studio na un reguliere MAVO of HAVO / VWO a bin ta aumenta. E aumento di cantidad di alumnonan di regio Noord / Tanki Leendert cu a bin ta aumenta ta wordo señala den e rapportnan di enseñansa. Pa medio di e rapportnan por a acumula e informacion cu ta bin dilanti.
Pa tin un bon bista di cantidad di e alumnonan di regio Noord / Tanki Leendert cu ta sigui un MAVO of HAVO / VWO reguliere school, mi a pone e aña escolarnan den un tabel. Pa medio di e tabel tin un bista con e cantidad di alumnonan regio Noord / Tanki Leendert a bin ta desaroya durante añanan escolar.
Pa locual cu ta MAVO, mas o menos 20 aña pasa tawata ta tin entre 260 pa 350 alumno di regio Noord / Tanki Leendert cu tawata ta bay un MAVO. Esaki tawata ta un porcentahe entre 13 pa 16 porciento di Aruba su alumnonan total cu tawata ta bay un MAVO. Den e ultimo añanan escolar tin entre 600 pa 700 alumno di regio Noord / Tanki Leendert cu ta bay un MAVO. Esaki ta un porcentahe entre 20 pa 22 porciento di Aruba su alumnonan cu ta bay un MAVO.
Pa locual cu ta HAVO / VWO, mas o menos 20 aña pasa tawata ta tin entre 170 pa 260 alumno di regio Noord / Tanki Leendert cu tawata ta bay un HAVO / VWO. Esaki tawata ta un porcentahe entre 14 pa 19 porciento di Aruba su alumnonan total cu tawata ta bay un HAVO / VWO. Den e ultimo añanan escolar tin entre 550 pa 590 alumno di regio Noord / Tanki Leendert cu ta bay un HAVO / VWO. Esaki ta un porcentahe entre 24 pa 26 porciento di Aruba su alumnonan cu ta bay un HAVO / VWO.
Esaki ta indica cu e cantidad di alumnonan di regio Noord / Tanki Leendert, tanto na MAVO como na HAVO / VWO reguliere scholen a bin ta crece den cantidad y den porcentahe durante añanan escolar. E cifranan ta mustra cu MAVO / HAVO/VWO na Noord ta un necesidad.
Expresionnan haci den e articulo aki no necesariamente ta refleha opinion di ArenaPoliti.co
Articulo similar
7 motibo pa laga Pueblo eligi su Gabinete
Columna Asiento 22 | S01E05 Hopi ciudadano ta na fabor di un cambio den nos sistema democratico cu lo duna Pueblo e poder pa eligi Parlamento y un (minister-)presidente den eleccionnan separa. De...
Sigui lesa...