Na esnan cu ta practica pesca cu harpon. 

Esnan cu tabata dedica nan mes na e deporte di pesca cu harpon, por conta cu partido POR lo incorpora den nan programa di partido, e deporte aki. Andin Bikker a trece esaki dilanti den rueda di prensa. El a menciona cu su persona na 2005 mas de 5 mil persona cu tabata practica e deporte aki y cu tabata hopi rabia cu gobiernonan di diferente signature. E motibo ta cu nan a expresa cu nan tabata kier un vergunning pa practica e deporte aki cu harpon. Si bay bek den historia Aruba tabata campeon mundial varios biaha di e deporte aki. Na Peru por ehemplo cu nan ta practica e deporte aki, y cu Bikker a bishita, y ayanan tin lugarnan designa pasobra tin preocupacion cu e deporte aki por daña coral. 

Pero esnan cu sa con e deporte aki ta wordo practica por realiza cu esnan cu tabata practike tabata hacie den awanan profundo leu for di costa y leu for di coral. Si duna vergunning esaki ta netamente pa designa na unda un hende por practica e deporte aki y na unda no mag at all. Pa esaki Bikker a traha un ley di iniciativa tambe, y e ta corda cu un delegacion di Parlamento na 2014 a bay bishita SABA caminda cu te dia awe nan por practica e deporte aki, no obstante cu nan tin e Saba Bank cu ta un di e banconan di coral mas grandi di mundo.

Bikker kier a duna un mensahe un rato na esnan firmante cu a duna di conoce cu tin hopi aña caba vociferando cu nan mester tin un sistema di vergunning, cu POR lo observa esaki seguramente, y si nan subraya cu nan kier e vergunning aki POR lo evalua pa incorpora esaki den nan programa di gobernacion, pasobra e ley tey caba den Parlamento y varios biaha el a menciona cu e delegacion di Aruba a wak con e ta funciona na SABA y por tin garantia pa esnan cu ta preocupa pa nos medio ambiente, cu no ta bay causa daño na dje. Andin Bikker a splica cu Kustwacht ta dedicando diariamente hopi energia na controla ken ta bezig cu pesca of no. Bikker ta kere cu Kustwacht por dedica mihor su recursonan y su energia na combati criminalidad cu ta hopi pisa na lugar di controla si tin infraccionnan den lama.

Fuera di esey ora mara e deporte na un vergunning electronicamente por monitor unda e persona ta practicando esaki. Tambe mester tin un boet pa e personanan cu no ta atene nan mes na e vergunning, pasobra mester bin un balansa. Un invitacion Bikker a haci na tur esnan cu ta interesa den e vergunning pa vocifera esaki pasobra POR ta habri pa ricibi nan feed back. Laga nan scucha boso voz y POR lo evalua esaki, segun Andin Bikker. 

Expresionnan haci den e articulo aki no necesariamente ta refleha opinion di ArenaPoliti.co