Evelyn Wever-Croes: Aruba merece mihor, atencion pa ensenjansa ta pober
Minister Michelle Hooijboer a faya den caso di Kudawecha!
ORANJESTAD – Fraccion di MEP den Parlamento, despues di a wordo aserca pa mayornan y studiantenan preocupa di scol primario Kudawecha, a yama un reunion den Parlamento pa e minister encarga cu ensenjansa duna cuenta.
“Como prome orador, mi a splica kiko ta locual cu a socede na e scol. Ya di e momento ey caba ta bira duidelijk cu e minister a comete un eror. Gobierno a manda suspende un maestra, y a impone varios sancion parew, siendo cu esey no ta e procedure cu reglanan ta prescribi. Ademas, un minister no ta suppose di entremete den proceduranan cu mester tuma lugar entre dirigentenan di e scol mes, of entre e scol y departamento di ensenjansa. Tabata obvio desde un principio cu e minister kier a privilegia un persona serca di dje. Esaki a cai den masha mal tera, y mester bisa cu tabata tin consensus den parlamento, si bo scucha discurso di cada parlamentario, cu e minister a actua fout.
Durante cu e reunion tabata desaroya mas y mas documento tabata yega den nos man, y entre nan un carta cu ta pone mas obvio ainda e eror garafal di e minister. Ta trata di un carta den cual cabesante di e scol a informa gobierno ya desde 23 di maart, cu e mes a aplica e proceduranan prescribi, y cu e caso a wordo atendi manera cu reglanan interno ta stipula. Pues awor cu e minister mes a bin cu su propio investigacion, e investigacion ey tambe ta ilegal, mirando cu e cabesante caba a hasi su parti di investigacion y a papia cu esnan envolvi. Ki mishi despues cu cabesante di e scol a atende cu e asunto, y a sera e caso, ainda e minister kier bin mete den e caso, y mas aun, cuminsa su propio investigacion. E minister no por laga investiga algo cu a wordo investiga caba, y a wordo soluciona na satisfaccion di tur esnan envolvi!
Lamentablemente e parlamentarionan di AVP, apesar cu nan no ta di acuerdo con e minister a actua, no tabata tin e libertad pa vota segun nan conseinshi, y mester a laga nan colega docente cai pa scapa cara di e minister. E mayoria den Parlamento (AVP) a permiti e minister pa sigi cu su investigacion, maske cu e maestra en cuestion a wordo investiga caba. Den e parlamentarionan di AVP tin 7 persona cu ta bin di ensenjansa, y apesar cu varios di nan tabata tin hopi problema cu e actuacion di e minister, na fin di dia, nan no a sostene e maestra. Pero ta obvio pa un y tur awor cu e minister a actua incorectamente. Ta lamentable cu e parlamentarionan di AVP no por a husga pa nan mes, y para e inhusticia di parti di e minister di ensenjansa.
Nos ta satisfecho si cu danki na e esfuerso di nos fraccion, e maestra a wordo permiti di bai traha bek, sinembargo e minister a laga sa cu e no ta retira e carta en cuestion. Esey nos ta haya inhusto. Nos di MEP lo sigi hasi tur lo posible pa husticia vense den e caso aki tambe”, lider di MEP Evelyn Wever-Croes a duna di conose.
ORANJESTAD – Fraccion di MEP den Parlamento, despues di a wordo aserca pa mayornan y studiantenan preocupa di scol primario Kudawecha, a yama un reunion den Parlamento pa e minister encarga cu ensenjansa duna cuenta.
“Como prome orador, mi a splica kiko ta locual cu a socede na e scol. Ya di e momento ey caba ta bira duidelijk cu e minister a comete un eror. Gobierno a manda suspende un maestra, y a impone varios sancion parew, siendo cu esey no ta e procedure cu reglanan ta prescribi. Ademas, un minister no ta suppose di entremete den proceduranan cu mester tuma lugar entre dirigentenan di e scol mes, of entre e scol y departamento di ensenjansa. Tabata obvio desde un principio cu e minister kier a privilegia un persona serca di dje. Esaki a cai den masha mal tera, y mester bisa cu tabata tin consensus den parlamento, si bo scucha discurso di cada parlamentario, cu e minister a actua fout.
Durante cu e reunion tabata desaroya mas y mas documento tabata yega den nos man, y entre nan un carta cu ta pone mas obvio ainda e eror garafal di e minister. Ta trata di un carta den cual cabesante di e scol a informa gobierno ya desde 23 di maart, cu e mes a aplica e proceduranan prescribi, y cu e caso a wordo atendi manera cu reglanan interno ta stipula. Pues awor cu e minister mes a bin cu su propio investigacion, e investigacion ey tambe ta ilegal, mirando cu e cabesante caba a hasi su parti di investigacion y a papia cu esnan envolvi. Ki mishi despues cu cabesante di e scol a atende cu e asunto, y a sera e caso, ainda e minister kier bin mete den e caso, y mas aun, cuminsa su propio investigacion. E minister no por laga investiga algo cu a wordo investiga caba, y a wordo soluciona na satisfaccion di tur esnan envolvi!
Lamentablemente e parlamentarionan di AVP, apesar cu nan no ta di acuerdo con e minister a actua, no tabata tin e libertad pa vota segun nan conseinshi, y mester a laga nan colega docente cai pa scapa cara di e minister. E mayoria den Parlamento (AVP) a permiti e minister pa sigi cu su investigacion, maske cu e maestra en cuestion a wordo investiga caba. Den e parlamentarionan di AVP tin 7 persona cu ta bin di ensenjansa, y apesar cu varios di nan tabata tin hopi problema cu e actuacion di e minister, na fin di dia, nan no a sostene e maestra. Pero ta obvio pa un y tur awor cu e minister a actua incorectamente. Ta lamentable cu e parlamentarionan di AVP no por a husga pa nan mes, y para e inhusticia di parti di e minister di ensenjansa.
Nos ta satisfecho si cu danki na e esfuerso di nos fraccion, e maestra a wordo permiti di bai traha bek, sinembargo e minister a laga sa cu e no ta retira e carta en cuestion. Esey nos ta haya inhusto. Nos di MEP lo sigi hasi tur lo posible pa husticia vense den e caso aki tambe”, lider di MEP Evelyn Wever-Croes a duna di conose.
Expresionnan haci den e articulo aki no necesariamente ta refleha opinion di ArenaPoliti.co