UPP ta manda carta pa SOGA pa haya acceso na documentonan di proyecto di renobacion di HOH
Pa basta tempo caba partido UPP ta denunciando e proceso di e destaho publico pa e proyecto di renobacion di Dr. Horacio Oduber Hospitaal (HOH). Segun sr. Booshi Wever, lider di UPP, ta trata di un proyecto corupto. Tambe ta cuestiona e forma cu minister di salubridad, sr. Alex Schwengle, ta tratando e asunto di operatiekamer.
Durante un reunion publico den Parlamento dia 18 di september 2015, minister Schwengle a expresa cu ciudadanonan cu ta desea acceso na documentonan di e proyecto en cuestion, por acudi na Stichting Onroerend Goed Aruba (SOGA). Esaki a resulta den un anuncio di UPP cu lo dirigi un carta na SOGA pa por analisa e documentonan, hunto cu expertonan riba e tereno investigativo. Mientrastanto e carta a wordo manda pa SOGA (anexo).
Sr. Booshi Wever: "Ta di spera cu en berdad nos haya TUR documento pa mira riba HENTER e procedura cu a conduci na otorgamento di e proyecto na e gruponan mafioso di Miami. Ta di spera cu ni e minister ni SOGA bay "chicken-out" awor!"
Expresionnan haci den e articulo aki no necesariamente ta refleha opinion di ArenaPoliti.co