Durante fin di siman a sosode un acto terorista na Francia sacudiendo mundo henter. ISIS a lanza un atake cu a cobra bida di hopi persona inocente y creando panico mundial. Na Aruba nos ta bendiciona cu nos no tin tipo di atakenan y menasanan aki, ainda. Sinembargo e ta importante pa nos reflecciona cu pas ta cuminsa door di aplica respet y tolerancia pa diferencia di opinion y ideologia, algo cu akin a Aruba tambe nos por aplica.

Nos di MEP ta hopi conmovi cu loke a sosode y ta convivi cu esnan cu di un manera of otro a wordo afecta door di e atakenan. Mundo ta den estado di alerta hopi halto, y nos tambe mester ta alerta, y ta tempo pa nos tur como lidernan politico responsabel, tambe na Aruba, trese trankilidad, y no sembra odio.

Mi ta hopi preocupa pa e desaroyonan aki, no solamente na Paris, pero por ehempel na Siria cu centenares di hende ta wordo mata tur dia, y na hopi mas parti di mundo. Tambe mescos cu hopi mama y tata, mi ta preocupa pa nos hobennan studiando na Hulanda, y nos amigo y famianan bibando eynan. Mi a tuma contacto cu Arubahuis pa pone mi mes na altura di e grado di menasa, y pa mira kiko mas por wordo hasi.

Mientras tanto mi ta resa pa esnan cu a perde nan bida den e guera aki, nan famianan, y pa Dios spaar Aruba di e actonan aki.

Expresionnan haci den e articulo aki no necesariamente ta refleha opinion di ArenaPoliti.co