Ya pa varios luna caba por a tuma nota di e postura populista cu parlamentarionan Glenbert Croes y Andin Bikker ta bini ta eherciendo encuanto e asunto di refineria Valero. Mi kier ta hopi corto riba e aspecto aki pero mi no por compronde kiko ta pasando den e mente di e dos personanan aki. Parlamento di Aruba a aproba un mocion na unda a instrui Gobierno pa bini cu un comishon di expertonan pa asina purba di logra haya un inversionista of otro refineria cu lo por inverti den e refineria cu actualmente ta propiedad di Valero. Di parti Gobierno nos ta wak cu esfuersonan ta wordo hasi y ta cumpliendo cabalmentre cu locual ta stipula den dicho mocion. Pero cada bez por scucha e cantaleta di e dos parlamentarionan cu nan si lo por logra haya inversionista pero no ta nan ta gobierno...Kiermeen aki por mira claramente con populismo y mediocridad di e dos parlamentarionan akki. Ta como sifuera nan lo kier bisa Gobierno pa hala un banda, pa asina nan bay den Gobierno anto e ora si nan lo trese e inversionistanan pa cu e refineria. . Esaki ta un ridiculez di marca mayor.
Pami bay priminti semehante barbaridad y inculca un speransa falso den nos comunidad mes cos cu Evelyne Wever Croes Lider di M.E.P a bisa den campanja ami si por habri e refinaderia “paso porta nan cu ta habri pa Evelyne Wever Croes no tta habri pa Mike Eman” Sr. Glenbert ta papia di PDVSA. No ta un secreto e situacion di pais Venezuela, problemanan cu nan ta confrontando economicamente y socialmente ta masha pisa mes. Manera ora bo subi rednan social international nan ta catalogando pais Venezuela como un Timebom. Hasta pronosticonan ta divulgando cu pa januari otro anja hasta no lo tin salario pa paga e militarnan. Anto awor sr. Glenbert kier insinua cu PDVSA cu ta un compania estatal di Gobierno Venezolano ta e salbabida pa nos, un compania cu ta bendiendo su “sharenan” cu e tin den e refinaderia di Santo domingo y kier bende esnan den e refinaderi di sint Croix tambe, pa noo papia mes di e echo cu pa falta di liquides, ta ofreciendo e paisnan cu ta forma parti di petro caribe descuentonan increible, santo Domingo a caba di cumpra su debe di $4 bion pa $2 bion, trinidad y tobago a hanja e mes un oferta. Pueblo mester imagina su mes si dado caso PDVSA tuma e refineria for di VALERO na unda automaticamente e compania VALERO lo keda exonera di tur clase di obligashonan encuanto medio ambiente riba e tereno cu e refineria ta actualmente. Anto pa despues di algun tempo situashon empeora na Venezuela manera pronosticonan cu ta circulando ya caba anto PDVSA dal su portanan cera anto no tin ningun manera o fondonan pa hasi e terenonan aki liompi, nos medio ambiente den peliger. Kiko lo pasa e ora?? Pueblo di Aruba mester bay sacrifica su mes?? Acaso Glenbert y Andin lo tin solushon pa e catastrofe aki? Anto e ora sigur MEP completo lo bisa atrobe cu ta culpa di Gobierno di AVP cu a permiti pa PDVSA tuma e refineria over. Dikon Gobierno no a impedi o evita esaki!!! Pasobra falsedad di esnan di MEP tin de sobra.
Hasta un mucha cu ta bayendo school secundario sa den ki situashon Venezuela ta actualmente anto pabo tende dos parlamentario sinta hunga populista cu cueste loque cueste PDVSA lo ta e salbashon di e refineria. Mi ta bisa Glenbert y Andin pa grow up y stop di ta populista. Laga e comishon cu Gobniernto a instala hasi su trabao debidamente pa asina yega na un solushon responsabel y na beneficio di nos pais Aruba henter,

Expresionnan haci den e articulo aki no necesariamente ta refleha opinion di ArenaPoliti.co