E prima cu tur trahado ta paga pa cuido medico didje y su famia directamente for di su salario, a baha dia 1 di juli cu 1%. E porcentahe cu tur hende ta paga ora di cumpra cos na BAZV a subi na 2%. Pero enbez di 60 mil trahado y nan doño di trabao so paga pa esaki, awor 1.2 miyon hende (= trahado, doño di trabou y tur turista) ta paga e BAZV. Esaki kier men cu hopi mas hende hunto ta paga pa e mes un cuido medico. Esaki ta nifica cu nos tur ta paga menos y keda cu e mes un cuido. Tur e placa cu BAZV ta genera ta bay pa cubri e gastonan medico di tur hende na Aruba y ora nan bay afo cu AZV pa nan salud. Un efecto adicional di e cambio aki ta cu e fondo di AZV ta menos dependiente di e contribucion adicional di gobierno (=landsbijdrage). Mescos cu e fondonan di pensioen, e fondo di seguro medico ta bira mas independiente y financiero mas sigur.  Anto esaki MEP y PDR ta yama medida!

PAGA MENOS
Den splicacion na prensa Rene Herde a duna e siguiente ehempel. "Si dos persona mester cubri e gasto di un auto cu nan a cumpra na prijs di 30 mil florin, cada uno tin cu paga 15 mil florin. Pero si ta dies persona hunto ta paga e prijs di e auto, anto cada uno tin cu paga 3 mil florin. Esaki ta hopi menos pa cada persona. Esaki ta loke e cambio di paga prima pa AZV, pa pago via BAZV ta nifica. Enbez di cu cada trahado y nan doño di trabao tin cu paga tur e gastonan di cuido medico pa henter pueblo for di nan salario, awor ta 1.2 hende (= trahado, doño di trabao y turistanan) ta paga e gastonan medico. Kier men cu tur trahado ta paga menos for di nan salario pa e cuido medico pa nan mes y nan famia. Anto esaki MEP y PDR ta yama medida cu a sali di e ley di Supervision Financiero (AFT)". E splicacion aki ta mustra cu oposicion a lansa un mentira y awor ta busca forma pa hustifica esaki. Full fout!!!

Expresionnan haci den e articulo aki no necesariamente ta refleha opinion di ArenaPoliti.co