Nos ta contento di a mira Mike de Meza reuniendo cu companianan y contratista relaciona cu reapertura di refineria. E lucha cu partido MEP a hiba pa logra reapertura di refineria ta pa nos sigura cu tur nos jiunan di tera cu tawata traha pa Valero, Coastal of El paso y Tur esnan cu ta laborando afor haya trabao bek den e refineria . E contratistanan cu a stop di opera y esnan cu a bai falliet mester ta alerta cu e refineria ta bai wordo habri pa boso tur. Nos mester percura pa tur e gruponan aki haya e oportunidad bek pa nan por traha riba nan pais.

E beneficio di e reapertura di refineria ta pa tur grupo y no cierto gruponan selecta paso nan lo amigo di Minister o Gobierno. Netamente pa e motibo aki mi kier manda un mensahe pa tur esnan cu a labora den e refineria. E refineria ta habri pa bosonan por bai gana boso pan bek y yuda progreso den boso famia. Nos no mester lubida cu banda di e hecho cu e ta bai juda nos economia y comercio e esencia ta cu e Refineria ta wordo habri pa yuda nos digno pueblo completo.

Expresionnan haci den e articulo aki no necesariamente ta refleha opinion di ArenaPoliti.co