Parlamentario mr. Juan Ady Thijsen a tuma nota cu Baba Herde ta persisti cu Willem Alexander(KBJULI2014) a actua illegal. Segun parlamentario mr. Juan Ady Thijsen partido AVP tabata tin un noviasco basta largo cu Reino Hulandes y tambe Rey Willem Alexander, hasta nos por a nota cu na Brazil Mike Eman tabata cana tras di Willem Alexander y no tabata dune sosiego! Pero despues di e decicion real (KB) firma pa Willem Alexander na juli 2014 na unda gobierno di AVP a haya un aanwijzing pa motibo di mal gobernacion (ondeugdelijk bestuur)  a a base di mal maneho finaciero, ta parse cu ta malo so Willem Alexander a haci contra AVP. Baba Herde kier usa awor e contesta di Raad van State na Parlamento Hulandes pa purba pone Willem Alexander su KB den un luz negativo y haci como si fuera cu Mike Eman no a kibra ningun copi.Den esaki Baba ta lubida algun aspecto.

1. Raad van State ningun momento e referi na e caso di Aruba.
2. Gobierno Hulandes a scohe e medida di mas suave pa duna Mike Eman ya cu Hulanda por a laga destrui e presupuesto di Aruba di 2014 of por a revoca e nombracion di un of mas Ministro pa medio di un algemene maatregel van Rijksbestuur.
3. Ningun discusion huridico por kita afor e crimen principal di Mike Eman y su gobierno di a hiba un maneho financiero desastroso.
4. Ex Premiere Balkenende a pone un banda conseho di Raad van State cu a duna MEP rason den e caso specifico di e Consensusrijkswet Gemeenschappelijk hof unda Reino Hulandes a usa illegal articulo 43 inciso 2 Statuut contra Aruba,.
5. Tambe partido AVP a bai contra e mocion di MEP pa salvaguardia autonomia di Aruba.
6. Ministro Plasterk a confirma cu e decicion di Willem Alexander tabata corecto pasobra gobierno di Mike Eman a hanja varios preaviso y no tabata duna atencion na esaki y e situacion di Aruba a bira alarmante y na punto di bai falliet.
7. Baba   Herde ta lubida cu ta su mesun gobierno y su mesun fraccion a percura pa voluntariamente kita autonomia financiero  di Aruba.

Segun Parlamentario mr. Juan Ady Thijsen tur e puntonan menciona ta hiba nos nan e conclucion cu gobierno di AVP sosteni pa Baba Herde no por ta partner mas den conversacion y negosiacion cu Hulanda y mester tene honor na su mes y retira.

Expresionnan haci den e articulo aki no necesariamente ta refleha opinion di ArenaPoliti.co