Aruba ta pasando momentonan dificil den diferente area y segun parlamentario mr. Juan Ady Thijsen Mike Eman Prome Ministro y lider di AVP no ta dirigiendo nos pais manera e pueblo merece  y a escohe Mike Eman pa maneha nos pais. E carera politico di Mike Eman Prome Ministro y lider di AVP ta terminando completamente den mineur. Como politico cu a bin di un famia politico Mike Eman a sa di convence votadornan e lo hiba nos pais den un etapa positivo di desaroyo. Pa bin na mando Mike Eman a haci usa di technicanan extremo manera ripiti mentiranan, usa hubentud , domina prensa etc. Mike Eman a haci promesanan grandi pa gana grandi manera di kita BBO y cu e lo tin un plan pa combati criminalidad. Segun Parlamentario mr. Juan Ady Thijsen awor seis anja di gobernacion nos por enfrenta Mike Eman cu su realidad politico y su fracazonan politico. Ta remarcable cu Mike Eman no a escohe e caminda pa mehora su fracazonan pero a escohe pa sconde constantemente den exterior. Mientras tanto nos pais ta ser azota pa criminalidad y nos tin un Ministro di Husticia incapaz. Nos turismo ta den peliger y nos tin un Ministro di Turismo totalmente ocupa cu su propio agenda personal esta enriquese esnan den su cercania. Finanzas publico ta core den cora y tur solucion ta bin for di sufrimento di pueblo. Awor cu tin un mehoracion economico cu reapertura di e refineria na bista atrobe Mike Eman ta missing in action. Segun Parlamentario mr. Juan Ady Thijsen Mike Eman Prome Ministro y lider di AVP ta ocupa su mes pa traha riba su futuro carera den exterior y tambe ta funciona como lobbyista pa Hulanda. Nos pais awor tin necesidad grandi na liderasgo y Mike Eman no ta e persona manera pueblo a kere.

Expresionnan haci den e articulo aki no necesariamente ta refleha opinion di ArenaPoliti.co